ශ්රියානි විජේසිංහ –
තැපැල්පතිවරයා වෘත්තීය සමිතිවලට සාකච්ඡාවක් සඳහා ආරාධනාවක් කර නොමැති බවත් එලෙස් විධිමත් ලෙස ආරාධනාවක් කරන්නේ නම් ඒ පිලිබඳව සලකා බැලිය හැකි යැයි ඒකාබද්ධ තැපැල් වෘත්තිය සමිති පෙරමුණේ සම කඳවුම්කරු චින්තක බණ්ඩාර සඳහන් කරයි.
තැපැල්පතිවරයා ඉල්ලීම් ඉදිරිපත් කර ඇත්තේ ජනමාධ්යවලට මිස තැපැල් වෘත්තීය සමිතිවලට නොවන බවද ,ලංකාසර කළ විමසුමකදී හෙතෙම පැවසුවේය.
මේ වන විට සමස්ථ තැපැල් කාර්යාලය සේවාවන් මුළු මනින්ම පාහේ බිද වැටී ඇති බවත් ලිිපි බෙදීමක් තැපැල් භාණ්ඩ ප්රවාහනයක් සිදුනොවන අතර තැපැල් දෙපාර්තමේන්තුවේ ලිපි හරහා පමණක් රාජකාරි කරන ආයතන ගණනාවක්ම තිබෙන බැවින් වැඩ වර්ජනය හේතුවෙන් එම ආයතනවල පවා රාජකාරී කටයුතු නිසිලෙස කරගෙන යාමට නොහැකි තත්තවයක්ද උදා වී තිබෙන බව වාර්තා වී ඇතැයි ඔහු පැවසුවේය.
විශ්රාම වැටුප්, ගොවි විශ්රාම වැටුප්, පිංපඩි, වැඩිහිටි දීමනාවන් සියල්ල ගෙවනුයේ තැපැල් කාර්යාල මගින් බවද ඒවා සියල්ල මේ වන විට බඳවැටී ඇති බවද සදහන්වේ.
ඉල්ලිම් 19ක් මුල් කර ගනිමින් ඊයේ (17) සවනස 4.00 මධ්යම තැපැල් හුවමාරුවෙන් ආරම්බ කල වැඩ වර්ජනය මධ්යාම රාත්රියේ සිට දිවයින පුරා තැපැල් කාර්යාලයන් වෙත ව්යාප්ත වීම හේතුවෙන් ලක්ෂ 10ට අධික භාණ්ඩ ප්රමාණයක් මධ්යම තැපැල් හුවමාරුවේ මේ වන විට ගො ඩ ගැසී ඇතැයි අනාවරණය වේ.
