මනම්පිටිය නිමල් ජයරත්න –
මාරක අනතුරු රැසක් සිදුව තිබෙන උතුරු මැද පළාත සහ නැගෙනහිර පළාත යා කරන මනම්පිටිය කොටලීය පාලම ඇතුළු පොළොන්නරුව දිස්ත්රික්කයේ පාලම් හතරක් මේ වසරේදී ඉදිකිරීමට රජය මගින් රුපියල් මිලියන1034 ක මුදලක් වෙන්කර ඇති බව මාර්ග සංවර්ධන අධිකාරියේ පොළොන්නරුව දිස්ත්රික් කාර්යාලය සඳහන් කරයි.
ඒ අනුව මනම්පිටිය ගල්ලෑල්ල පාලම අලුතින් ඉදිකිරීම සඳහා රුපියල් මිලියන 348ක මුදලක්ද, මනම්පිටිය කොටලීය පාලම අලුතින් ඉදිකිරීම සඳහා රුපියල් මිලියන,382 ක් හා මාදුරුඔය මනම්පිටිය ප්රධාන මාර්ගයේ අරලගංවිල පාලම ඉදිකිරීමට රුපියල් මිලියන 164 ක් හා නාඋල ඇළහැර මාර්ගයේ පල්ලෙගම පාලම ඉදිකිරීම සඳහා රුපියල් මිලියන 139 ක මුදලක් වෙන් කර ඇති බවත්, මෙම පාලම් හතරේ වැඩකටයුතු මේ වසර තුළ ආරම්භ කරන බව මාර්ග සංවර්ධන අධිකාරියේ පොළොන්නරුව දිස්ත්රික් කාර්යාලයේ ප්රධාන විධායක නිලධාරිවරයා අප කළ විමසීමකදී පැවසීය.
පොළොන්නරුව මඩකලපුව ප්රධාන මාර්ගයේ, අක්කරේපත්තු බලා ගමන් කරමින් තිබූ පෞද්ගලික බස් රථයක් මනම්පිටිය කොටලීය පාලමේ ගැටී ඔයට ඇද වැටීම හේතුවෙන් 2023 ජූලි 09 වෙනිදා මිනිස් ජීවිත එකොළහක් රටට අහිමි විය.
මනම්පිටිය කොටලීය පාලමේ ගැටේ ඔයට වැටී සිදුවූ ටේ මෙතෙක් සිදුවූ අනතුරුවලින් මිනිස් ජීවිත පනහකට වැඩි ප්රමාණයක් රටට අහිමි වී ඇති අතර ගල් ඇල්ලේ පාලම අසලද අනතුරු විශාල ප්රමාණයක් සිදුවුණි.
මෙම පාලම් දෙකක් පටුවීම නිසා එකවර වාහන දෙකකට ගමන් කිරීමට නොහැකිව එම ස්ථානයේ රථවාහන රියදුරන් කාලය ධනය ශ්රමය වැය කරමින් බොහෝ අවස්ථාවලදී, වාහන තදබදයත් සමඟ වැඩි කාලයක් එම ස්ථානයේ සිටීමට සිදුවිය.
මෙම, මාරක අබලන් පාලම් දෙක පිළිබඳව මාධ්ය මගින් අවස්ථා ගණනාවකදී, රටට හෙළිදරව් කලද පැවැති කිසිදු රජයක් ඊට අවධානය යොමු නොකළ අතර, වත්මන් රජයේ ජනාධිපති අනුර කුමාර දිසානායක මහතා සහ ප්රවාහන හා මහාමාර්ග අමාත්ය බිමල් රත්නායක මහතාගේ දැඩි අවධානයට ලක්ව එම පාලම්වල වැඩකටයුතු මේ වසරේදි ආරම්භ කිරීම් පිළිබඳව, ප්රදේශවාසීන්ගේ හා රියදුරන්ගේ, රජයට සහ ඊට අවධානය යොමු කල සැමට ප්රසාදය හිමි වී තිබේ.
