යම් කිසි මහජන නියෝජතියෙක් ජනාධිපති අරමුදලේ මුදල් අවභාවිතා කර ඇති බවට චෝදනා තිබේ නම් ඒ සම්බන්ධව විමර්ශන පැවැත්වීම යහපත් දෙයක් බව හිටපු ජනාධිපති මෛත්රීපාල සිරිසේන අද (21) ප්රකාශ කළේය.
ඔහු මේ බව ප්රකාශ කළේ ජනාධිපති අරමුදලේ මුදල් අවභාවිතා වූ බවට කියන සිද්ධියට අදාලව ප්රකාශයක් ලබාදීම සඳහා අද (21) අපරාධ පරීක්ෂණ දෙපාරත්මේන්තුව වෙත කැඳවූ අවස්ථාවේ දී මාධ්ය අමතමිනි.
මේ සිද්ධිය සම්බන්ධව ප්රකාශයක් ලබා දීම සඳහා හිටපු ජනාධිපතිවරයා මේ පැමිණියේ දෙවැනි වරය. මේ සිද්ධිය සම්බන්ධවම හිටපු ජනාධිපතිවරයා පසුගිය 07 වැනිදා ද අපරාධ පරීක්ෂණ දෙපාර්තමේන්තුවට පැමිණ තිබිණි.
” මම අද විතරක් නෙමෙයි. මීට සති තුනකට කලිනුත් පැමිණියා අද ආපු කාරණයටම. ඒ සති තුනකට කලින් ආවෙත්, අද ආවෙත් විශේෂයෙන්ම සීඅයිඩී එකට පැමිණිල්ලක් ලැබිලා තියනවා ජනාධිපති අරමුදලින් සල්ලි දීමේ දී මහ ජන නියෝජිතයින් මුදල් ලබා ගැනීමේ දී නොයෙකුත් වැරදි තොරතුරු සපයලා තියනවා කියලා.
එකනොට ඒ වැරදි තොරතුරු සපයපු අයට වෙන වෙනම ලිපිගොනු තිබෙනවා. ඒක නිසා ඒ අයගේ ෆයිල් වෙන වෙනම අරන් මගෙන් වෙන වෙනම ලබා ගත්තා. මම විතරක් නෙමෙයි මීට පෙර හිටපු ජනාධිපතිවරුන් ඔවුන්ගේ කාලවලදී දුන්න යම් අක්රමකිතාවක් වෙලා කියලා පේනවා නම් එම තොරතුරු සම්බන්ධව පැහැදිලි කරගැනීමක් කරනවා කියලා. ඒකට තමයි මම ආවේ. අක්රමිකතාවයක් වෙලා තියනවා නම් ඒක හොයන එක හොඳයි. ඒකේ වැරැද්දක් නෑ. හිටපු ජනාධිපතිවරයා කීවේය.
