ශ්රියානි විජේසිංහ –
ඉල්ලීම් තුනක් මුල්කර ගනිමින් සෞඛ්ය වෘත්තීන් 9ට අයත් සාමාජිකයින් 20000ක් දෙනා හෙට (18) උදෑසන 8.00 සිට දිවයින පුරා රෝහල්වල සංකේත වැඩ වර්ජනයක් ආරම්භ කරන බව සෞඛ්ය වෘත්තීයවේදීන්ගේ බලමණ්ඩලයේ සම කැඳවුම්කරු උපුල් රෝහණ සඳහන් කරයි.
මෙවර අයවැය මගින් නිවාඩු දින වැටුප් කප්පාදුව, අතිකාල දීමනා කප්පාදුව හා වැටුප් විෂමතාව පිලිබඳව සෞඛ්ය සේවා අධ්යක්ෂ ජනරාල්වරයා සහ මුදල් අමාත්යංශයේ සහකාර ලේකම්වරයා සමඟ පැවති සාකච්ඡාවන් අසාර්ථක වූයෙන් හෙට දිනයේදී ආරම්භ කිරිමට තීරණ කර තිබු සංකේත වැඩ වර්ජනය ඒ පරිද්දෙන්ම සිදුවන බව හෙතෙම පැවසුවේය.
සෞඛ්ය සේවාවේ වසර 50ක ඉතිහානය තුළ කප්පාදු නොකළ වෘත්තීමය තත්ත්වන් කප්පාදු කිරිමට එරෙහිව ඉදිරියේදී සමස්ත සෞඛ්ය වෘත්තිකයන්ම බරපතල වෘත්තිය අරගලයන්ට යොමුවනු ඇති බව බලමණ්ඩල සාමාජිකයින් මුදල් අමාත්යංශ බලධාරින්ව දැනුවත් කළ බවද අජිත් රෝහණ කීවේය.
හෙට පැවැත්වෙන සංකේත වැඩ වර්ජනයට විසඳුමක් ලබා දීම සඳහා හෙට උදෑසන 7.00 දක්වා කාලය පවතින බැවින් සෞඛ්ය ඇමතිවරයා, මුදල් අමාත්යංශයේ ලේකම්වරයා මැදිහත්ව ජනතාව අපහසුවට පත්වීම වලක්වා ගැනීමට කටයුතු කළ යුතුයැයි බලමණ්ඩලය අවධාරණය කරයි.
මේ අතර හෙට දිවයින පුරා රජයේ රෝහල්වල ආරම්භ කරන සංකේත වැඩ වර්ජනය කඩාකප්පල් කිරීමට සෞඛ්ය ඇමති නලින්ද ජයතිස්ස හැදු අලුත් දේශපාලන සංගම් කටයුතු කළහොත් රෝහල්වල අත්යවශ්ය සහ හදිසි සේවාවන් සැපයීම අත්හිටුවන බව සෞඛ්ය වෘත්තීයවේදීන්ගේ සම්මේලනයේ සභාපති රවී කුමුදේශ් සඳහන් කරයි.
හෙට දිනයේදී පැවැත්වීමට නියමිත සංකේත වැඩ වර්ජනයේදි සියලුම රෝහල්වල හදිසි, අත්යවශ්ය සහ ජිවිතාරක්ෂක සේවාවන් පවත්වාගෙන යන අතර සියලුම ළමා, පිළිකා, මාතෘ හා වකුගඩු රෝහල් හි වර්ජනය ක්රියාත්මක නොකිරීමට තීරණය කළ බවද හෙතෙම පැවසුවේය.
මෙවන් පසුබිමක් මත වර්ජනය කඩාකප්පල් කිරීමට ආණ්ඩුවේ සංගම් ක්රියා කළහොත් රෝහල්වල හදිසි සහ අත්යවශ්ය සේවාවන් බිද වැටීමේ වගකීම රජය භාරගත යුතු බවද සම්මේලනය අනතුරු අඟවා සිටියි.
