වැඩ බලන පොලිස්පති ප්රියන්ත වීරසූරිය විසින් 2025. 02.22 දින මාධ්ය අමතමින් පොලිස් කොමිසම පිළිබඳව කළ නිර්දය විවේචනය තරයේ ප්රතික්ෂේප කරමින් පොලිස් කොමිසම විසින් දීර්ඝ පැහැදිලි කිරීමක් ඉදිරිපත් කර තිබේ.
එම කොමිසම පෙන්වා දෙන්නේ ආණ්ඩු ක්රම ව්යවස්ථාවේ 155 උ(1) වගන්තිය අනුව පොලිස්පතිවරයා හැර පොලිස් නිලධාරීන් පත් කිරීම, උසස් කරීම, ස්ථාන මාරු කිරීම, ඔවුන්ගේ විනය පාලනය කිරීම, ඔවුන් සේවයෙන් පහ කිරීමේ බලය ජාතික පොලිස් කොමිසමට පැවරී ඇති අයුරුය.
ව්යවස්ථාවට අනුව පොලිස් නිලධාරියෙකුට උසස් වීම් ලබා දීම, ස්ථාන මාරු කිරීම, සේවයෙන් පහ කිරීම පිළිබඳ ජාතික පොලිස් කොමිෂන් සභාවේ බලතල ක්රියාත්මක කරන්නේ පොලිස්පතිවරයා විමසීමෙන් පසුව බවද පොලිස් කොමිසම දන්වා සිටී.
එමෙන්ම අසූ දාහක පොලිස් බලකායේ පොලිස් කොමිසම විසින් පත් කිරීම් උසස් කිරීම්, ස්ථාන මාරු කිරීම්, හා විනය පාලන කටයුතු කරන්නේ නිලධාරීන් 1420ක් වූ ප්රමාණයක් සඳහා පමණක් බවත්, ඉතිරි සියලුම නිලධාරීන්ගේ පත් කිරීම, උසස් කිරීම සහ විනය පාලන බලය ජාතික පොලිස් කොමිසම විසින් ව්යවස්ථානුකූලව පොලිස්පතිවරයා වෙත ලබා දී ඇති බවත් කොමිසම කියයි.
එමෙන්ම වැඩ බලන පොලිස්පතිවරයා විසින් ප්රකාශිත ආකාරයට පොලිසිය අභ්යන්තරයේ කටයුතුවලට පොලිස් කොමිසම මැදිහත්වීමක් ගැන ගම්යවන ආකාරයේ ප්රකාශ මුලුමනින්ම ප්රතික්ෂේප කරන බවකියන පොලිස් කොමිසම අවධාරණය කරන්නේ තමන් හැම විටම කටයුතු කරනු ලබන්නේ රටේ ව්යවස්ථාපිත නීතියේ ප්රතිපාදන සහ අනෙකුත් නීති රීතිවලට අනුකුලව සහ අනුගතව බවත්, තමන් ඉටු කරන්නේ තමන්ට පැවරී ඇති රාජකාරි වගකීම බවත්ය.
පොලිස් කොමිසම විසින් සිදුකරන දීර්ඝ පැහැදිලි කිරීම පහත දිගුවෙන් කියවිය හැකිය.
