දිනසේන රතුගමගේ –
කිළිනොච්චියේ ග්රාම නීලධායෙකු කිළිනොච්චිය – පරන්තන් මාර්ගය පුරා සිය තෙත වී ගෝනි ඇතිරීම නිසා අද (10 ) උදෑසන සිටම එම මාර්ගයේ ගමනා ගමන කටයුතු සම්පූර්ණයෙන්ම ඇණහිට තිබුණු බව වාර්තා වේ.
මේ හේතුව නිසා පාසල් ළමුන්ට හා රජයේ සේවකයින්ට අදාල ස්ථාන වෙත යාමට නොහැකි වූ බවත් කිළිනොච්චියේ කණ්ඩාවලෙයි ප්රදේශයේ වැසියෝ කියා සිටියහ.
මෙම ග්රාම නිලධාරීවරයාගේ කුඹුරෙන් අස්වැන්න නෙලාගෙන වී තොග ගෝනිවල අසුරා නිවස වෙත රැගෙන එමින් තිබියදී වී තොගය ඇලකට පෙරළීමෙන් තෙත්වීම නිසා
ගෝනි පිටින්ම වී වේලා ගැනීමට වී තොගය පාර මැදම ගොඩ බා පසෙකට වී බලා සිට ඇතැයි වාර්තා වේ.
මේ මුග්ධ ක්රියාව හේතුවෙන් මාර්ගයේම ගමනාගමනය ඇනහිට ඇති අතර පාරේ ගමන් ගත් වාහන විකල්ප මාර්ග ඔස්සේ ගමන් කළ බවත්, ඒ ගමන් කළ වාහන අතර ගිලන් රථයක් ද වූ බවත් ප්රදේශවාසීහු චෝදනා කළහ.
පැය හතරකට පමණ පසුව මහා මාර්ගයේ ගමන් කළ පොලිස් නිලධාරීන් දෙදෙනෙකු ග්රාම නිලධාරීවරයාට බැණ වැදීමෙන් පසූව ඔහු සිය සේවකයින් ලවා වී ගෝනි පාරෙන් ඉවත් කරගෙන තිබේ.
නිරන්තරව පුද්ගලයින්ට පීඩාකාරී ලෙස හැසිරෙන මෙම මැර ග්රාම නිලධාරියා සම්බන්ධව පැමිණිල්ලක් කිරීමට කිළිනොච්චියේ කණ්ඩාවලෙයි ගම් වැසියෝ සූදානම් වෙති.
