ජාතික රෝහලේත්, අඹතලේ ජල පවිත්රාගාරයේත්, බියගම, සපුගස්කන්ද සහ අනියකන්ද යන ප්රදේශවලත් විදුලිය යථා තත්ත්වයට පත් කර ඇති බව විදුලිබල අමාත්යාංශය පවසයි.
එමෙන්ම කොළඹ නගරය, කළුතර, කොලොන්නාව, මතුගම, කැලණිය, පන්නිපිටිය, එ් අවට ප්රදේශවලට ද විදුලි සැපයුම් මේ වනවට ලබා දී ඇති අතර ක්රමයෙන් රට පුරා තත්ත්වය යථාවත් කරමින් තිබේ. හවස 4 වනවිට රටේම විදුලිය යථාවත් කිරීම සඳහා ඉලක්ක කරගෙන මෙහෙයුම් දියත් වී ඇත.
විදුලිය විසන්ධි වීම නිසා දුම්රිය ගේට්ටු සහ අනතුරු ඇඟවීමේ පද්ධති අක්රිය විය හැකි බැවින් දුම්රිය හරස් මාර්ගවලදී ප්රවේශම් වන්නැයි මහජනතාවට දුම්රිය දෙපාර්තමේන්තුව විසින් උපදෙස් ලබා දී තිබේ.
දීප ව්යාප්ත විදුලිය බිඳවැටීම සමනය කර සැපයුම යථා තත්ත්වයට පත් කිරීමට ලංවිම පද්ධති පාලන මධ්යස්ථානය මේ වනවිට කටයුතු කරමින් සිටින බව ලංකා විදුලිබල මණ්ඩලය පවසයි.
