මහජන නියෝජිතයෙක් ලෙස රාමනාදන් අර්චුනා මන්ත්රීවරයාට පාර්ලිමේන්තුව ඇමතීමේ අවස්ථාව නොලැබේනම් එය ප්රජාතන්ත්ර විරෝධී කටයුත්තක් බවත් එම මන්ත්රීවරයා විසින් ප්රකාශ කරන ආකාරයටම ලජ්ජා සහගත ක්රියාවක් බවත් සභා නායක බිමල් රත්නායක අද (23) පාර්ලිමේන්තුවේ දී පැවසුවේය.
ඔහු කීවේ විපක්ෂ නායකවරයාත්, විපක්ෂයේ සංවිධාකයවරයාත් ඇතුළු විපක්ෂය එක්ව එම අවස්ථාව ලබාදීමට කටයුතු කිරීම සිදුකළ යුතු බවය.
සභානායකවරයා මේ පව පැවසුවේ පාර්ලිමේන්තු මන්ත්රී රාමනාදන් අර්චුනා සිය වරප්රසාද කඩවීම සම්බන්ධව පාර්ලිමේන්තුවේ දී මතුකළ ප්රශ්නය සම්බන්ධව කතා කරමිනි.
“එතුමා විපක්ෂයේ කියපු මන්ත්රීවරයෙක් ලෙස කළ කරුණක් මතු කරනවා. එතුමා හැම වෙලාවෙම කිව්වෙ ආණ්ඩු පක්ෂය ආණ්ඩු පක්ෂය කියලා. මම මෙතන පැහැදිලිවම කියලා තියනවා එතුමාට කතා කිරීමට වෙලාව ලබා නොදීම ඉතාම ප්රජාතන්ත්ර විරෝධී කටයුත්තක්. එය සිදුකරන්නේ විපක්ෂ සංවාධායක තුමා විපක්ෂ නායකතුමා ඇතුළු විපක්ෂයේ නායකයින්. එතුමාට වෙලාව ලබා දීමේ සියයට සීයක වගකීම තියෙන්නෙ විපක්ෂ නායකවරයාට. අපට නෙමෙයි.
එතුමාගේ වෙලාව ලබා නොදීම සම්බන්ධව මම කතානායකතුමාගෙනුත් ඉල්ලා සිටියා කරුණාකරල එතුමාට වෙන් කරන වෙලාව විපක්ෂයෙන් ලබා දීමට කටයුතු කරන්න කියලා. ඒක ලජ්ජාවක් තමයි පාර්ලිමේන්තුවට. ආණ්ඩුවක් වශයෙන් එතුමාට කතා කරන්න තියෙන අයිතිය පිළිබඳව අපි සම්පූර්ණයෙන් පෙනී සිටිනවා.
සභානායක බිමල් රත්නායක කථානායකවරයා අමතා පැවසුවේ රාමනාදන් අර්චුනාගේ වරප්රසාද ප්රශ්නය විසඳන ලෙසත් එසේ නොමැති වීම පාර්ලිමේන්තුව පවත්වාගෙන යන්නටත් බාධාවක් බවය.
මේ අවස්ථාවේදී විපක්ෂයේ ප්රධාන සංවිධායක ගයන්ත කරුණාතිලක මන්ත්රීවරයා පැවසුවේ මෙම තත්ත්වය ඇති වී තිබෙන්නේ අදාල මන්ත්රීවරයාගේ හැසිරීම නිසාම බවය.
විපක්ෂයේ අදාල මන්ත්රිතුමා සම්බන්ධව ගැටලු කාරී තත්ත්වයක් ඇති වුනා. විපක්ෂ නායක කාර්යාලයේ නිලධාරීන් විපක්ෂයේ අපේ මන්ත්රීවරුන් සමග ඇතිවුන අවාසනාවන්ත සිද්ධියක් ගැන. අපි හිටපු කතානායකතුමාටත් වත්මන් කතානායක තුමාටත් පැමිණිලි කළා. ඒ ගැන විභාගයක් කරලා පිළිතුරක් දෙන්න කියලත් අපි කතානායකතුමාට කිව්වා.
ඊයෙත් කාතානායකතුමා එක්ක අපි මේ ගැන සාකච්ඡා කළා. විපක්ෂයේ අනෙකුත් පක්ෂවල මන්ත්රීවරුන් එක්ක එකඟතාවයකට ආවා වගේ එකඟතාවයකට පැමිණිය යුතුයි. කාලය නියම කිරීම කතා කරන ස්ථානය නියම කිරීම අපේ කාර්යභාර්යයක්. ඒවට එකඟවන්නේනම් අපිට කිසිම ප්රශ්නයක් නෑ ඒ කාලය ලබා දෙන්න. මෙතැන් සිට කටයුතු කරන්න අපට අවස්ථාව තියනවා.
