මනම්පිටිය නිමල් ජයරත්න –
රියැදුරු බලපත්ර, වාහන ලියාපදිංචි කිරීමේ සහතික, සහ තවත් වටිනා සහතික පත් සකස් කර දෙන බව පවසා මුදල් ලබාගෙන එම සහතිකපත් කූඨ ලෙස සකස් කරන ජාවාරමුන් කණ්ඩායමක් එසේ ව්යාජ ලෙස සකස් කරන ලද බලපත්ර, සහතිකපත් තොගයක් සහ එම ලියකියැවිල කසක් කළ උපකරණත් සමග අත් අඩංගුවට ගැනිමට පොලොන්නනරුව කොට්ඨාස අපරාධ විමර්ශන අංශය කටයුතු කර ඇත
ඊයේ (11) සිදුකරන ලද මෙම මෙහෙයුමෙන් මනම්පිටිය, බොරලැස්ගමුව, නාරාහේන්පිට ප්රදේශවල පදිංචි සැකකරුවන් තිදෙනෙකි.
නාරාහෙන්පිට රියැදුරු පාසලෙන් ලබාදෙන, තාවකාලික රියදුරු බලපත්රය ව්යාජ ලෙස කසක් කර, මෝටර් රථ දෙපාර්තමේන්තු මගින් ලබාදෙන විශේෂ ස්ටිකරයත් එහි අලවා තිබීම පිළිබඳ විමර්ශකයින් විසින් විශේෂ අවධානයට ලක්කර ඇත.
මෝටර් රථ දෙපාර්තමේන්තුවේ ඇතැම් නිලධාරීන් විසින්, කූට ලේඛන සකසන අයට එම ස්ටිකර මුදලට ලබාදී ඇති බවට තොරතුරු මේ වනවිට තහවුරු වී ඇතැයි ද ඒ පිළිබඳව ද විශේෂ විමර්ශනයක් සිදු කරමින් පවතින බවද පොළොන්නරුව කොට්ඨාශ අපරාධ විමර්ශන අංශය සඳහන් කරයි.
අත් අඩංගුවට ගත් සැකකරුවන් අවුරුදු, 48,60,39 යන වයසේ පසුවන්නන්ය. එම සැකකරුවන්, අතර දෙදෙනෙකු බොරලැස්ගමුව ප්රදේශයේ රියදුරු පාසලක් පවත්වාගෙන යන බව හෙළි වී ඇත.
ඔවුන් නාරාහේන්පිට මෝටර් රථ කාර්යාලය අසල පදිංචිව සිටිමින් පරිගණක හරහා ව්යාජ රියදුරු බලපත්ර, වාහන ලියාපදිකිරීමේ සහතික හා තවත් වටිනා ලියකිවිලි සකසා පුද්ගලයන්ට විශාල මුදලකට අලෙවි කර ඇති බවට මේ වනවිට තොරතුරු තහවුරු ඇති බව පොළොන්නරුව කොට්ඨාස අපරාධ විමර්ශන අංශයේ උසස් නිලධාරියකු අප කළ විමසීමකදී සඳහන් කළේය.
මනම්පිටිය ප්රදේශයේ පදිංචි පුද්ගලයා ඒ අවට පුද්ගලයන්ගෙන් රියදුරු බලපත්ර, වාහන ලියාපදි කිරීමේ සහතික, සහ අනෙකුත් බලපත්ර සකසා දෙන බවට මුදල් එකතු කරගෙන බොරලැස්ගමුව සහ නාරාහේන්පිට ප්රදේශයේ පුද්ගලයින් හරහා කූඨ ලෙස එම ලේඛන සකස්කරවා ඇති බව අනාවරණ වී තිබේ.
අත්අඩංගුවට ගත් සැකකරුවන් තිදෙනා සහ උපකරණ අද ( 12 ) පොළොන්නරුව මහේස්ත්රාත් අධිකරණයට ඉදිරිපත් කිරීමට කටයුතු කර තිබෙන බව මනම්පිටිය පොලිස් ස්ථානයේ නිලධාරියෙකු අප කළ විමසීමකදී පැවසීය.
පොළොන්නරුව ජ්යෙෂ්ඨ පොලිස් අධිකාරි නිශාන් ද සිල්වාගේ උපදෙස් මත ,කොට්ඨාස අපරාධ විමර්ශන ඒකකයේ ප්රධාන පොලිස් පරීක්ෂක ජේ.පී.ආර්.ජී. ජාගොඩගේ, උපදෙස් මත, පොළොන්නරුව කොට්ටාශ අපරාධ විමර්ශන අංශයේ ස්ථානාධිපති පොලිස් පරීක්ෂක, ඒ.ටී, බණ්ඩාර,පොලිස් සැරයන්, 42229 රංග, 71995 සුනිල්,පොලිස් කොස්තාපල් 75012 සේනාධිර, 88883 ලක්ෂාන්, 11849 ප්රියන්ත, 80943 සඳුන්, පොලිස් රියදුරු සමන්මදු යන නිලධාරිහු මෙම මෙහෙයුම ක්රියාත්මක කළහ.
