ලංකා විදුලි බල මණ්ඩලයේ විදුලි සැපයුම වැටවලට හෝ රැහැන්වලට හෝ උගුල්වලට සම්බන්ධ කර වන සතුන් ඝාතනය කරවන සිදුවීමක් පිළිබඳ තොරතුරු දන්නේ නම් වහාම 0112 118 767 දුරකථනයට අමතා තොරතුරු ලබා දෙන ලෙස ලංකා විදුලි බල මණ්ඩලය මහ ජනතාවගෙන් ඉල්ලා සිටී.
මෙම නීති විරෝධි අපරාධකාරී ක්රියාව සම්බන්ධව තොරතුරු ලබා දෙන කිසිම පුද්ගලයෙකුගේ අනන්යතාවය හෙළි නොකරන බව වගකීමෙන් අවධාරණය කරන බව ද විදුලි බල මණ්ඩලය පවසයි.
එම මණ්ඩලය පෙන්වා දෙන්නේ මේ වසරේ පසුගිය මාස 11 තුළ පමණක් අනවසර විදුලි රැහැන් ඇද විදුලි සැර වද්දවා වන අලි 50ක් පමණ ඝාතනය කරන ඇති බවය.
එසේ ඝාතනය කරන ලද වන අලි අතර අතිශය සංචාරක ආකර්ශනයට ලක් වූ දැවැන්ත දළ ඇතුන් ද සිටි බව එම මණ්ඩලය පෙන්වා දෙයි.
විදුලිසැර වැදී වන අලි ඝාතනය වන්නේ අලි මිනිස් ගැටුමේ ප්රතිඵලයක් ලෙසිනි. වන අලි හේතුවෙන් තමන්ගේ එකම ජිවන වෘත්තිය වූ ගොවිතැන මෙන්ම ජීවිත ද ව්යසනයට ලක් කරගන්නා රටේ ගොවි ජනතාව වෙනුවෙන් විධිමත් රැකවරණයක් සහිත වැඩපිළිවෙළකින් තොරව මෙම අලි මිනිස් ගැටුමට සාධාරණ මෙන්ම ප්රායෝගික විසඳුමක් නොලැබෙන බව විද්වත්හු පවසති.
