2024 වසරේ ජනාධිපතිවරණය සඳහා අපේක්ෂකයෙකු ලෙස ඉදිරිපත් වූ කීර්ති වික්රමරත්න මධ්යම පළාත් රාජ්ය සේවා කොමිෂන් සභාවේ සාමාජික ධූරයෙන් ඉවත් කිරීමට මධ්යම පළාත් ආණ්ඩුකාර නීතිඥ ලලිත් යූ. ගමගේ පියවර ගෙන තිබේ.
ආණ්ඩුකාරවරයා ඊයේ (29) මෙම තීරණය ගෙන ඇත්තේ මධ්යම පළාත් රාජ්ය සේවා කොමිෂන් සභාවේ සාමාජිකයෙකු ලෙස සිටිමින් කිසිදු පූර්ව දැනුම් දීමකින් හා අවසරකින් තොරව ජනාධිපතිවරණයට ඉදිරිපත් වීම නිසා බව වාර්තා වේ.
ආණ්ඩුකාරවරයා පවසා ඇත්තේ මධ්යම පළාත් රාජ්ය සේවා කොමිෂන් සභාවේ සාමාජික වශයෙන් ස්වාධිනව හා අපක්ෂපාතීව කටයුතුකිරීමේ වගකීම බිඳ දමා ජනාධිපතිවරණය සඳහා අපේක්කෂයෙකු ලෙස ඉදිරිපත් වීම මගින් මැතිවරණ කොමිෂන් සභාවේ චක්රලේඛන උල්ලංඝනය වීමක් නිරීක්ෂණය වන බවය.
මේ තත්ත්වය තුළ කීර්ති වික්රමරත්න තවදුරටත් පළාත් රාජ්ය සේවා කොමිෂන් සභාවේ ස්වාධීනව හා අපක්ෂපාතීය කටයුතු කළ හැකි සාමාජිකයෙකු නොවන බවත්, ශ්රී ලංකා ප්රජාතාන්ත්රික සමාජවාදි ජනරජයේ ආණ්ඩුක්රම ව්යවස්ථාවේ 13 සංශෝධනයේ 154 (ඇ) වගන්තිය සහ 1987 අංක 42 දරණ පළාත් සභා පණතේ 33 (3) වගන්තිය ප්රකාරව වහාම ක්රියාත්මක වන පරිදි පළාත් රාජ්ය සේවා කොමිසමේ සාමාජික ධූරයෙන් ඉවත් කිරීමට පියවර ගත් බවත් ආණ්ඩුකාරවරයා කියයි.
