සූරියවැව නුවන් ජයසේකර –
පන්නිපිටියේ සිට දෙමාපියන් සමග කතරගම වන්දනාවේ පැමිණි 19 හැවිරිදි තරුණියකට දේවාල භූමියේදී සාපරාධි බලහත්කාරය හා ලිංගික අඩත්තෙට්ටම් කිරීමේ චෝදනා මත කතරගම පෙරහැරේ විශේෂ රාජකාරි සඳහා පැමිණි පොලිස් කොස්තාපල් සල්ලාලයෙක් කතරගම පොලිසිය විසින් ඊයේ (11) දින රාත්රි අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ කතරගම පෙරහැර සදහා විශේෂ රාජකාරි කටයුතු සඳහා කැදවා තිබූ මාතර පොලිස් කොට්ඨාසයට අනුයුක්තව සේවය කරන කටුදෙනිය, ගල්පටුන, පාලටුව, මාතර ලිපිනයේ පදිංචි 43 හැවිරිදි පොලිස් කොස්තාපලයෙකි.
අතවරයට පත් 19 තරුණිය සිය දෙමාපියන් ඇතුළු පිරිසක් සමඟ කතරගම වැඳපුදා ගැනීම සඳහා පැමිණ කතරගම මහා දේවාල භූමියේ රැදී සිටියදී සිවිල් ඇදුමෙන් සිට ඇති පොලිස් කොස්තාපල් මෙම දැරියගේ ශරීරයේ පිටුපස ප්රදේශය අතින් අල්ලමින් අවස්ථා කිහිපයකදී මිරිකා තිබේ. පසුව දැරිය විසින් මේ පිළිබදව සිය දෙමාපියන් දැනුවත් කර අසල සිටි පිරිස සමග සිවිල් ඇදුමින් සිටි මෙම පුද්ගලයා අල්ලාගෙන දේවාල භූමියේ රාජකාරියේ නිරතව සිටි පොලිස් නිළධාරීන්ට භාර දි ඇත.
එහිදි සිදුකළ ප්රශ්ණ කිරීමේදි අනාවරණය වි ඇත්තේ මෙම පුද්ගලයා පෙරහැර රාජකාරී සදහා අනුයුක්ත කර සිටි කොස්තාපල් කෙනෙක් බවය. ඔහු සිය රාජකාරි කාලය අවසන් වීමෙන් පසු සිවිල් ඇදුමින් සැරසී දේවාල භූමියට පැමිණ සිටියදී මෙම සිදුවීම සිදුව ඇතැයි හෙළි වූයේය.
සිද්ධිය සම්බන්ධයෙන් තරුණියගෙන් හා ඇයගේ පියාගෙන් කතරගම පොලිසිය විසින් ප්රකාශයක්ද ලබාගෙන තිබේ. එහිදී තරුණියගේ පියා පොලිසියට ප්රකාශයක් ලබා දෙමින් වැඩිදුරටත් පවසා ඇත්තේ තරුණිය තව සතියක පමන කාලයකින් විදේශ ගතවිමට සිටින බැවින් මේ සම්බන්ධයෙන් වැඩිදුර විමර්ශනවයක් ඔවුන්ට අවශ්ය නොවන බවය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
අත්අඩංගුවට පත් සැකකාර පොලිස් කොස්තාපල් තිස්මහාරාම මහේස්ත්රාත් අධිකරණයට ඉදිරිපත් කිරිමට නියමිත අතර කතරගම පොලිසිය වැඩිදුර විමර්ශන පවත්වයි.
