දිනසේන රතුගමගේ –
ඉන්දීය ධීවරයින් උතුරු මුහුදු සීමාවට බලහත්කාරයෙන් ඇතුලු වී මසුන් මැරීමට විරෝධතාවය පලකරමින් උතුරේ ධීවරයින් සිය ගණනක් ශ්රී ලංකා ඉන්දිය මුහුදු සීමාවේ ජාත්යාන්තර මුහුදු කලාපයේ සිට අද (3 ) විරෝධතාවයක් දැක්වූහ.
බෝට්ටු ගණනාවකින් එම මුහුදු කලාපයට ගිය උතුරේ ධීවරයෝ කළු කොඩි ඔසවමින් ඉන්දීය ධීවරයින්ට විරෝධය පල කොට සිටියහ.
උතුරේ ධීවරයින් කියා සිටියේ මින් ඉදිරියටත් ඉන්දීය ධීවරයින් උතුරේ මත්ස්ය සම්පත කොල්ල කෑමේ නිරත වන්නේ නම් මීට වඩා දැඩි ක්රයා මාර්ගයක් ඉන්දීය ධීවරයින්ට එරෙහිව ගන්නා බවයි.
ඉන්දීය ධීවර ගැටලුව හේතුවෙන් යාපනය, මුලතිව් හා මන්නාරම දිස්ත්රික්කවල ධීවරයින් වැඩි වශයෙන් පීඩාවට පත්ව සිටින අතර, ඉන්දීය ධීවරයින් මෙරට මුහුදු සීමාවේ සිදුකරන මත්ස්ය ජාවාරම නවතා දෙන ලෙසට ඉල්ලීම් කරමින් යාපනය දිස්ත්රික් ධීවරයින් පසුගිය සති කිහිපයේම විරෝධතා වැඩසටහන් පැවැත්වීම හා රැස්වීම් මාලාවක් පැවැත්වූහ.
විරෝධතාවය වෙනුවෙන් යාපනය, මුලතිව්, මන්නාරම, කිලිනොච්චිය දිස්ත්රික්කයන්හි ධිවර සංගම් නියෝජිතයින් විශාල පිරිසක් එක්ව සිටියහ.
