මහනුව ජාතික රෝහලේ උගුර කණ නාසය පිළිබඳ ඒකකයේ ශල්යාගාරයට යාබද වෛද්යවරියන් ඇඳුම් මාරුකරන ස්ථානයේ දර්ශන රහසින් රූගත කළ රෝහල් සුළු සේවකයෙක් අද (13) පොලිස් අත් අඩංගුවට ගෙන තිබේ.
වාර්තාවන පිරිදි සිද්ධිය මෙසේය. ශල්යාගාරයට පිවිසීම සඳහා වෛද්යවරුන් ඇඳුම් මාරුකරන කාමරටය පැමිණ ඇඳුම් මාරු කරමින් සිටි වෛද්යවරියකට සැක කටයුතු ලෙස තිබූ ජංගම දුරකථනයක් හමු වී තිබේ.
ඇය එම දුරකථනය පරීක්ෂා කර බලනවිට එහි ඇඳුම් කාමරයේ දර්ශන වීඩියෝ වෙමින් පැවති ආකාරය දැක ඇත. වාඩාත් පරීක්ෂා කිරීමේ දී ඇය ගේ දර්ශන මුළුමනින්ම වීඩියෝගත වී තිබුණු බව දුටු ඇය එම දර්ශන මකා දමා වහාම මේ සම්බන්ධව රෝහල් පරිපාලනයට පැමිණිලි කර තිබේ.
රෝහල් පරිපාලනය සීසීටීවී දර්ශන පරීක්ෂා කරනවිට පෙනී ගොස් ඇත්තේ රෝහලේ සුළු සේවකයෙක් කාමරයට ඇතුළු වී මෙම වීඩියොගත කිරීම සඳහා ජංගම දුරකථන ස්ථානගත කර යන ආකාරය ය.
මෙම පුද්ගලයා හතලිස් හැවිරිදි තිදරු පියෙකි. ඔහුගේ බිරිය ද රෝහලේම සේවය කරන සුළු සේවිකාවකි. පොලිස් අත් අඩංගුවට ගෙන ප්රශ්න කරමින් යද්දී මෙම පුද්ගලයා පවසා ඇත්තේ තමන් මාස ගණනක සිට මෙම වීඩියෝගත කිරීම සිදුකළ බවත්, එසේ ඇඳුම් මාරුකරන වෛද්යවරියන්ගේ වීඩියෝ නරඹා මකා දමන බවත්ය.
කෙසේ වෙතත් එක් වෛද්යවරියකගේ වීඩියෝවක් පමණක මකන්නේ නැතිව ඔහු තමන් සතුව තබාගෙන තිබිය දී පොලිස් විමර්ශන අංශ වෙත හමුවී තිබේ.
සිද්ධිය සම්බන්ධව පොලිසිය වැඩිදුර විමර්ශන පවත්වයි.
