සියලුම එළවළු වර්ගවල මිල අහස උසට ඉහළ ගොස් ඇත. නාරාහේන්පිට ආර්ථික මධ්යස්ථානයේ කළ සංචාරයකින් පසු ඩේලි මිරර් වාර්තා කරන්නේ උඩරට සහ පහතරට එළවළු වර්ග බොහොමයක මිල කිලෝවක් රුපියල් 800 ඉක්මවන තරම් ඉහළ මට්ටමක පැවතුන බවය.
කැරට් කිලෝවක් රුපියල් 1000කි. වම්බටු, ගෝවා සහ තක්කාලි කිලෝවක මිල රුපියල් 900කි. අමු මිරිස් කිලෝවක් රුපියල් 1800 කි. බණ්ඩක්කා කිලෝවක් රුපියල් 800 කි. අළු කෙසෙල් වැනි සමහර එළවලු කිලෝවක් රුපියල් 480 ට අඩුවෙන් පැවතිනි.
නාරාහේන්පිට ආර්ථික මධ්යස්ථානයේ තොග සහ සිල්ලර වෙළෙන්දන් පවසන පරිදි එළවළු මිල ඉහළ යාමට ප්රධාන හේතුව වැඩිවශයෙන් වෙළෙඳපලට එළවළු සපයන ඇඹිලිපිටිය, නුවරඑළිය පුත්තලම වැනි ප්රදේශවලට බලපෑ අයහපත් කාලගුණික තත්ත්වයයි. මේ අයහපත් කාලගුණ තත්ත්වය නිසි එළවළු නිශ්පාදනය පහත වැටීම එළවළු මිල ඉහළ යෑමේ ප්රධාන සාධකයක් වූ බව වෙළෙන්දෝ පවසති
ඉන්ධන මිල වැඩිවීම නිසා ප්රවාහන වියදම සියයට 40කට ආසන්න ප්රමාණයකින් ඉහළ යෑම ඇතුළු පවතින තත්ත්වයන ්තුළ එළවළු මිල පහත වැටීමේ කාලරාමුවක් ප්රකාශ කළ නොහැකි බව ද වෙළෙන්දෝ ප්රකාශ කරති.
කෙසේ වෙතත්, කෘෂිකර්ම දෙපාර්තමේන්තුව අපේක්ෂා කරන්නේ සති හයකින් පමණ එළවළු නිෂ්පාදනය ඉහළ යනු ඇති බවයි. කෘෂිකර්ම අධ්යක්ෂ ජනරාල් මාලිනී පරසුරම් ඊයේ (06) මාධ්ය වෙත ප්රකාශ කළේ බීජ සැපයීම කෙරෙහි අවධානය යොමු නොකර ගොවීන්ට එළවළු පැල බෙදා හැරීමට කෘෂිකර්ම අමාත්යාංශය ගත් තීරණයත් සමඟ සති හයකින් නිෂ්පාදනය ඉහළ ගොස් මිල අඩුවනු ඇති බවය.
