Pentavalent එන්නත ලබාදීමෙන් පසු මියගිය බව කියන මාස හතරක් වයසැති ළදැරියගේ සිරුරේ සාම්පල වැඩිදුර පරීක්ෂණ සඳහා වෛද්ය පර්යේෂණ ආයතනය වෙත යවා ඇති බව සෞඛ්ය බලධාරීහු පවසති.
කුලියාපිටිය ශික්ෂණ රෝහලේ අධ්යක්ෂ වෛද්ය ප්රභාත් වේරවත්ත මේ සම්බන්ධව අදහස් දක්වමින් මාධ්යයට කියා සිටියේ සෙනසුරාදා (15) දින සෞඛ්ය වෛද්ය කාර්යාලයෙන් දරුවාට Pentavalent එන්නත ලබා දී ඇති අතර එදිනම රාත්රියේ ඇයට සංකූලතා ඇති වූ බවය
“ඉන්පසු දෙමාපියන් ඇයව කුලියාපිටිය රෝහලට ගෙනැවිත් තිබෙනවා. නමුත් දරුවා ඇතුළත් කරන විටත් මිය ගිහින් තිබුණේ.” වෛද්ය වේරවත්ත පැවසීය.
මරණයට හේතුව කුමක් දැයි විමසූ විට රෝහල් අධ්යක්ෂවරයා කියා සිටියේ දේහය කුරුණෑගල රෝහලට යවා ඇති අතර එහිදී පශ්චාත් මරණ පරීක්ෂණය පැවැත්වූයේ හේතුව හඳුනා ගැනීමට බවය.
“කෙසේ වෙතත් මරණයට හේතුව පශ්චාත් මරණ පරීක්ෂණයෙන් තහවුරු කර ගැනීමට නොහැකි වී තිබෙනවා. ලැබී තිබෙන්නේ විවෘත තීන්දුවක්. ඒ නිසා මේ වනවිටට සිරුරේ සාම්පල වෛද්ය පර්යේෂණ ආයතනය වෙත යවා තිබෙනවා,” ඔහු අවධාරණය කර තිබිණි.
Pentavalent එන්නත ගලපටලය, කක්කල්කැස්ස, නිව්මෝනියාව, පිටගැස්ම හෙපටයිටීස් බී, යන මාරාන්තික රෝග පහකින් දරුවාට ආරක්ෂාව සපයන එන්නතකි.
