-
අත්යාවශ්ය ඖෂධත් නැත්තට නැති වෙනකොට ගෙනවමින් තිබෙන ඖෂධ අතරේ අත්යාවශ්ය ඖෂධ ලයිස්තුවේ නැති ඖෂධ තිබෙනවා. ඒ වගේම දැනට විශේෂඥ වෛද්යවරුන් සුල බව භාවිත නොකරන ඖෂධත් තිබෙනවා.
-
රටට ඖෂධ ගෙන්වීමේ ප්රතිපත්තිය විනාශ කරමින් ණය සහනයත් වැය කර මෙම ඖෂධ ගෙන්වීමට සෞඛ්ය අමාත්යංශයේ වෛද්ය සැපයුම් අංශයත් ජාතික ඖෂධ නියාමන අධිකාරියේ ප්රධාන විධායක නිලධාරියාත් අනුමැතිය ලබා දීලා
අත්යවශ්ය ඖෂධ හිඟයට පිළියමක් බව පවසමින් ඉන්දියානු ණය ආධාර ක්රමය යටතේ ලැබෙන විදේශ මුදල් භාවිත කර රජය විසින් ගෙන්වීමට ඇණවුම් කර ඇති ඖෂධ වර්ගවලින් සියයට 80ක්ම ඖෂධ නියාමන අධිකාරියේ ලියාපදිංචි නොකළ, ආරක්ෂාව සහ සාර්ථකත්වය පිළිබඳව කිසිදු ඇගයීමකට ලක් නොකළ ඖෂධ බව ජ්යෙෂ්ඨ කායික රෝග විශේෂඥ වෛද්යවරයකු වන විශේෂඥ වෛද්ය ආනන්ද විජේවික්රම පවසයි.
ශ්රි ලංකාවට ඖෂධ ගෙන්වීම්දී මෙතෙක් භාවිත කළ ක්රමවේදය කඩ කරමින් ණය සහනයත් වැය කරමින් මෙම ඖෂධ ගෙන්වීමට කටයුතු කළේ කවුද යන්න පිළිබඳව පූර්ණ වශයෙන් පරීක්ෂණයක් සිදු කර ඔවුන්ට අදාළ දඬුවම් ලබා දිය යුතු යයිද වෛද්ය විජේවික්රම මෙහිදී අවධාරණය කළේය.
සාමාන්යයෙන් ඖෂධයක් ගෙන්වීමේදී ජාතික ඖෂධ නියාමන අධිකාරියේ ස්ථාපිත විවිධ ක්ෂේත්රවල විශේෂඥ වෛද්යවරුන්ගෙන් සැදුම්ලත් ඖෂධ ඇගයීම් කමිටුව මඟින් මෙම ඖෂධවල සාර්ථකත්වය, ආරක්ෂිත බව ආදිය පිළිබඳ ව පවතින වාර්තා අධ්යයනය කර ඒවා මෙරට රෝගීන් සඳහා භාවිත කිරීමට සුදුසු බවට අනුමත කළ යුතු බවද සෞඛ්ය අමාත්යංශයේ වෛද්ය සැපයුම් අංශයත් ජාතික ඖෂධ නියාමන අධිකාරියේ ප්රධාන විධායක නිලධාරියාත් මෙලෙස ඉන්දියානු ණය සහන භාවිත කරමින් මෙම ඖෂධ ගෙන්වීමට අදාල අනුමැතිය මෙම ඇගයීම් කමිටුවේ නිර්දේශවලින් තොරව ලබා දී ඇති බවද පෙන්වා දුන්නේය.
වෛද්ය විජේවික්රම මේ බව සඳහන් කළේ අද ශ්රි ලංකා වෛද්ය සංගමේදී පැවැති සියලුම් විශේෂඥ වෛද්ය ක්ෂේත්රවල වෛද්යවරුන් ගේ ඒකාබදධ මාධ්ය හමුවකදීය.
මෙම මාධ්ය හමුවට ශ්රි ලංකා වෛද්ය සංගමයේ සභාපති වෛද්ය වින්යා ආරියරත්න ඇතුළු වෛද්යවරුන් රැසක් සහභාගී වූ අතර මෙහිදී තවදුරටත් අදහස් දක්වමින් වෛද්ය විජේවික්රම මෙසේද පැවසීය.
“ අද රෝහල්වල විශාල ඖෂධ හිඟයක් පවතිනවා. රෝගීන්ගේ ජීවිතවලට අත්යවශ්යම තීරණාත්මක වන ඖෂධ පවා මේ වනවිට රෝහල්වල නෑ. සමහර රෝහල්වල ඒක්ස් රේ පටලය දෙන්නේ ඉස්සර දුන්නු එක හතරට කපල පොඩි කොලයක. සමහර රෝහල්වල ඒකත් නෑ. අද සමහර රෝහල්වල ශල්යකර්ම කල් දමන්නට සිදුව තිබෙනවා. හේතුව නිර්වින්දන ඖෂධ අරපිරිමැස්මෙන් යුතුව භාවිත කිරීමට සිදුව තිබීමයි.”
“නමුත් මේ ණය භාවිත කර ගෙන්වන්න යන ඖෂධ අතරේ අත්යාවශ්ය ඖෂධ ලයිස්තුවේ නැති ඖෂධ පවා තිබෙනවා. ඒ වගේම දැනට විශේෂඥ වෛද්යවරුන් සුල බව භාවිත නොකරන ඖෂධ පවා තිබෙනවා. අපට ප්රශ්නයක් තිබෙනවා මෙච්චර ඖෂධ හිඟ කාලේ කවුද මේ වගේ ඖෂධ ගේන්න තීරණය කළේ කියල දැන ගන්න.”
“මේ පිළිබඳව අදහස් දක්වමින් ඔහු තවදුරටත් සඳහන් කළේ රජය මේ මොහොතේ වහාම කළ යුතු වන්නේ පවතින සීමිත විදේශ විනිමය අරපිරිමැස්මෙන් භාවිත කර සියලුම කෂේත්රවල විශේෂඥ වෛද්ය නියෝජිතයන් සහභාගී කරගෙන මේ මොහොතේ රටේ ජනතාවට අත්යවශ්ය ඖෂධ අඩු මිලකට ගන්නට අදාළ වැඩපිළිවෙළක් කඩිනමින් සකස් කිරීම බව ද විශේෂඥ වෛද්යවරයා අවධාරණය කළේය.
