මනම්පිටිය නිමල් ජයරත්න –
සේනා දළඹුවාගෙන් ඉරිඟු වගාව බේරා ගනිමින් අක්කර 400 කට වඩා බිම් ප්රමාණයක් සාර්ථක බඩඉරුගු වගාවක් කර විශාල ආදායමක් උපයා ගැනීමට පොලොන්නරුව වැලිකන්ද මහසෙන්පුර ගම්මානයේ ගොවි ගෙවිලි පිරිසක් සමත් වෙති.
ශ්රී ලංකා මහවැලි අධිකාරියේ උපදෙස් අනුව ගොවි ගෙවිලියන් 250 කට අධික පිරිසක් මහසෙන්පුර පුරන්ව පැවති ප්රදේශයක මෙම බඩ ඉරිඟු වගාකර ඇති අතර ත්රිපෝෂ නිෂ්පාදනය කිරීම සඳහා එම ඉරිඟු වගා කර ඇති බව ඉරිඟු වගා කරුවෝ සඳහන් කරති.
මෙම යායේ ගොවීන් මේ වන විට අස්වනු නෙළමින් සිටින අතර, එම ගොවීන් අතරින් ගොවී පිරිසක් ඉරිඟු කරලක් රුපියල් 80 ත් 100 ත් අතර මිලකට අලෙවි කරති. වී වගාවට අමතරව තමන් මෙම බඩ ඉරිගු වගාවෙන් ගන්නා ආදායමෙන් තම ජීවන තත්ත්වය උසස් කරගැනීමට අපේක්ෂා කරන බව ද ගොවීහු කියති,
මෙම සාර්ථක බඩඉරිගු වගාව නිරීක්ෂණය කිරීම සඳහා මහවැලි බී කලාපීය නේවාසික ව්යාපාර කළමනාකාර ඉන්දික රණවීර මහතා ඇතුළු මහවැලි නිලධාරීන් පිරිසක් සංචාරය කළ අතර මහවැලි බී කලාපයේ විශාලතම භූමියක වගා කරන ලද ඉරිගු වගාව මේ වන බවත්, වන අලින්, රිලවුන්, ගිරවුන්, මෙන්ම අනෙකුත් සතා සිවුපාවන්ගෙන් අස්වැන්න බේරාගෙන ගොවි ගෙවිලියන් වගා කරන ලද විශාලතම වගාව මේ වන බවත් ඔවුහු කීහ.
ඉරිඟු බීජ කිලෝ එකක් රුපියල් 200 ක මිලකට ත්රිපෝෂ සමාගම්වලට ලබාදීමට ගොවීන් විසින් ගිවිසුම් අත්සන් කර ඇත. එක් ගොවියකු අක්කරයකින් ඉරිඟු කිලෝ පන්දාහකට ආසන්න ප්රමාණයක් ලබාගැනීමට අපේක්ෂා කරයි., ඒ අනුව එක් ගොවියකු අක්කරයකින් රුපියල් ලක්ෂ 10 ක ආදායමක් ලබාගැනීමට හැකිවනු ඇති බවද මහවැලි බිී කලාපීය නියෝජ්ය නේවාසික ව්යාපාර කළමණාකාර [ කෘෂිකර්ම]ඩබ්ලිව් එම් පුෂ්පකුමාර පෙන්වා දෙයි.
ගොවීන් හාරසිය දෙනාම ලක්ෂ 10 බැගින් ලබා ගතහොත් ඔවුන් මහවැලි බී කලාපයට විශාල ආදායමක් උපයාදෙන බවත්, එය වී වගාවට අමතරව ඔවුන් ලබා ගන්නා විශාල ආදායමක් බවත්, සේනා දළඹුවාගෙන් බේරාගත් මහවැලි බී කලාපයේ විශාලතම බඩ ඉරිගු අස්වැන්න මේ වන නියෝජ්ය නේවාසික කළමණාකාරවරයා කීවේය,
