ඇප මත මුදා හැර ඇති හිටපු ජනාධිපති රනිල් වික්රමසිංහට එරෙහිව පවරා ඇති නඩුව කොටුව මහේස්ත්රාත් අධිකරණය හමුවේ අද (29) යළි කැඳවීමට නියමිතය.
රුපියල් ලක්ෂ 166ක මහජන මුදල් භාවිත කරමින් පෞද්ගලික විදේශ සංචාරයක නිරත වීමේ චෝදනා මත පොදු දේපළ පනත යටතේ හිටපු ජනාධිපතිවරයා අත් අඩංගුවට ගෙන තිබිණි.
පසුගිය අගෝස්තු 22දා කොටුව මහේස්ත්රාත් අධිකරණය හමුවේ නඩු පවරා අගෝස්තු 27 වැනිදා දක්වා රිමාන්ඩ් බන්ධනාගාරගත කළ රනිල් වික්රමසිංහට අති විශාල සෞඛ්ය අවදානමක් ඇති බවට අධිකරණයේ දී ඉදිරිපත් වූ කරුණු සලකා බලමින් ඔහුව ඇප මත මුදා හැරීමට අධිකරණය නියෝග කළේය.
පොදු දේපළ අයථා ලෙස පරිහරණය කිරීමේ පනතට අදාළ නඩුව සම්බන්ධයෙන් වැඩිදුර වාර්තා අද (29) දින කොටුව මහේස්ත්රාත් ඉසරු නෙත්තිකුමාරගේ හමුවේ යළි කැඳවනු ලබයි.
එංගලන්තයේ ‘වුල් හැම්ප්ටන්’ පෞද්ගලික විශ්වවිද්යාලයේ උපාධි ප්රදානෝත්සවයක් සඳහා පෞද්ගලික සංචාරයක් වෙනුවෙන් දින එකහමාරක කාලයක් ඇතුළත රජයේ මුදල් රුපියල් කෝටි 1.5 කට අධික ප්රමාණයක් වැය කරමින් රජයට පාඩුවක් කළ බවට හිටපු ජනාධිපතිවරයාට චෝදනා ගොනු කර තිබුණි.
