එක්සත් ජාතික පක්ෂය සමග එක්ව කටයුතු කළ යුත්තේ සමගි ජන බලවේගයට සාධාරණයක් ඉටුවිය යුතු පසුබිමක පමණක් බව සමගි ජන බලවේගයේ පාර්ලිමේන්තු මන්ත්රී රෝහණ බණ්ඩාර අද (25) අනුරාධපුරයේ දී මාධ්ය ඉදිරියේ පැවසුවේය.
එක්සත් ජාතික පක්ෂය සහ සමගි ජන බලවේගය එකතු වීම තුළ අනුරාධපුර දිස්ත්රික් නායකයා ලෙස කුමක් කරන්නේ දැයි මාධ්ය ඇසූ පැනයට පිළිතුරු දෙමින් ඔහු අවධාරණය කළේ එක්සත් ජාතික පක්ෂය යනු සුළුතරයකට වැටුණ පක්ෂයක් බැවින් එකතු වීමේ දී තීන්දු ගත යුත්තේ ඒ සම්බන්ධව වූ අවබෝධය සහිතව බවය.
“ එකසත් විය යුතුයි. ඒක විවාදයක් නෑ. හැබැයි එක්කාසු වෙනවිට නිතය වශයෙන්ම සමගි ජන බලවේගයට අසාධාරණයක් නොවන විදිහට ඒ එක්කාසුවීම සිදුවිය යුතුයි. මේ එකතු වීමට ප්රධාන භාගය ලෙස උරුමකම් කියන්නේ සමගි ජන බලවේගය. එක්සත් ජාතික පක්ෂය කියන්නෙ සියයට බොහොම සුළුතරයකට වැටිච්චි පක්ෂයක්.
ඒ අනුව කොහොමත් සාකච්ඡා කරන්න යන්නේ පක්ෂ දෙකක් විදිහට. ඒ නිසා මම විශ්වාස කරන කාරණය තමයි ඒ සාකච්ඡාවලට වාඩි වෙන්නේ දේශපාලනය ගැන හොඳ හසල දැනුමක් තියන පිරිසක් වාඩි වෙන්නේ. ඒ නිසා සාර්ථකව ගොඩවල් දෙකේ ප්රසන්ටේජ් ගැන අවධානය යොමු කරලා සාධාරණ විදිහට හැමෝම එකතු කරගන්න විදිහට මේ කටයුතු සාර්ථක කරගන්න හැකි වේවා කියලා අපි ප්රාර්ථනා කරනවා.”
