ලලිත් චාමින්ද –
මෙරට පළාත් පාලන ආයතනවලට පැවරි ඇති මහජන සෞඛ්ය, පොදු උපයෝගිසේවා, පොදු මංමාවත් පිළිබද කටයුතු සහ ජනතා සුභසාධන වැනි සේවාවන් නිසිපරිදි ඉටු නොකර රුපියල් මිලියන 26,726ක මුදලක් ස්ථාවර තැන්පතු හා වෙනත් තැන්පතුවල ආයෝජනය කර ඇති බවට අනාවරණය වි ඇත.
පළාත් පාලන ආයතන බොහොමයක අයවැය හා පරිපුරක ඇස්තමේන්තු නිවරදිව පිළියෙළ නොකිරිම නිසා ප්රතිපාදන ඉතිරි වි තිබුණි. එම මුදල් ආදායම් ඉපයිමේ අරමුණ ඇතිව ආයෝජනය කොට ඇති බවට අනාවරණය වි ඇත.
ඒ අනුව මෙරට මහා නගර සභා විසින් රුපියල් මිලියන 12,479ක මුදලක් ආයෝජනය කොට තිබුණි. නගර සභා විසින් රුපියල් මිලියන 2,716 ක මුදලක් හා ප්රාදේශිය සභා විසින් රුපියල් මිලියන 11531ක මුදලක් ආයෝජනය කොට ඇත.
මහජන සුභසාධනයන් නිසිපරිදි ඉටුනොකර පළාත් පාලන ආයතනවල ඇති අරමුදල් ස්ථාවර තැන්පතු ලෙස පවත්වාගෙන යෑම ගැටලුකාරි තත්ත්වයක් බව විගණනය මගින් ද සඳහන් කොට තිබුණි. ජාතික විගණන කාර්යාලය මගින් 2023 වර්ෂයට අදාළව නිකුත්කොට ඇති වාර්ෂික විගණන වාර්තාව මගින් මෙම තොරතුරු අනාවරණය කොට තිබුණි.
