සිරි දළදා වන්දනාවේ සමාරම්භක අවස්ථාවට සහභාගී වන ලෙස ප්රචාරය වන ආරාධනා පත්රය ව්යාජ ජනතාව නොමග යවන සුළු එකක් බව ජනාධිපති මාධ්ය අංශය විශේෂ නිවේදනයක් නිකුත් කරමින් දන්වා ඇත.
එම නිවේදනයේ මෙසේ දැක්වේ.
“සිරි දළදා වන්දනාව” සමාරම්භක අවස්ථාවට සහභාගී වන ලෙස ජනතාව නොමඟ යවන ව්යාජ ආරාධනා පත්රයක් ප්රචාරය වෙමින් පවතී.
ජනාධිපති ලේකම් ආචාර්ය නන්දික සනත් කුමානායකගේ නමින් ව්යාජ ලෙස නිර්මාණය කර ඇති මෙම ආරාධනා පත්රය රැගෙන “සිරි දළදා වන්දනාව” සමාරම්භක අවස්ථාවට සහභාගි වීම සඳහා මහනුවර ජනාධිපති මන්දිරය වෙත පැමිණෙන ලෙස එහි සඳහන් කර තිබේ.
“සිරි දළදා වන්දනාව” වෙනුවෙන් මේ ආකාරයේ කිසිදු විශේෂ ආරාධනා පත්රයක් කිසිවෙකුටත් නිකුත් කර නොමැත.
තවද මෙම ව්යාජ ලියවිල්ල පදනම් කරගනිමින් සිරි දළදා වන්දනාව සඳහා විශේෂ (VIP) පෝලිමක් සකස් කර ඇති බවටත් සමාජ මාධ්ය තුළ ව්යාජ පුවත් සංසරණය වන අතර ඒවායේද කිසිදු සත්යතාවක් නොමැත.
