විපක්ෂ නායක සජිත් ප්රේමදාසගේ අධ්යාපන සුදුසුකම්වලට අදාළ සහතික සහ අනෙකුත් ලේඛන අද (19) පෙරවරුවේ පාර්ලිමේන්තුවේ හැන්සාඩ් දෙපාර්තමේන්තුව වෙත ලබාදීමට කටයුතු කර ඇතැයි මාධ්ය නිවේදනයක් නිකුත් කරමින් විපක්ෂ නායක කාර්යාලය නිවේදනය කරයි.
විපක්ෂ නායක සජිත් ප්රේමදාසගේ අධ්යාපන සුදුසුකම් පිළිබඳව අමාත්ය නලින්ද ජයතිස්ස පාර්ලිමේන්තුවේ සිදුකළ විමසුමට ප්රතිචාර දක්වමින් මෙම සියලු අධ්යාපන සුදුසුකම් පාර්ලිමේන්තුවට ඉදිරිපත් කර තිබිනි.
ඊයේ පරාලිමේන්තුවට එම සුසුදුකම් ඉදිරිපත් කළත් අද කැබිනට් තීරණ දැනුම් දීමේ මාධ්ය හමුවේ දී යළිත් නලින්ද ජයතිස්ස කැබිනට් ප්රකාශකවරයා කීවේ සජිත් ප්රේමදාස අධ්යාපන සුදුසුකම් පෙන්නා ගියා මිස එම සහතික පාර්ලිමේන්තු හැන්සාඩ් දෙපාර්තමේන්තුවට යොමු කර තිබුණේ නැති බවය.
අද උදේ එන විටත් තමන් ඒ සම්බන්ධව පාර්ලිමේන්තුවෙන් විමසා සිටි බව ද ඔහු පැවසුවේය. කෙසේ වෙතත් සජිත් ප්රේමදාස සිය අධ්යාපන සුදුසුකම් අද දිනයේ පාර්ලිමේන්තු හැන්සාඩ් දෙපාර්තමේන්තුවට ඉදිරිපත් කරන බවට පොරොන්දු වී තිබිණි.
ඒ පොරොන්දු ප්රකාරවම ඔහු එම සුදුසුකම් සහිත සහතිකපත්ර ඉදිරිපත් කර තිබේ.
