කුප්රකට W15 අපරාධයට අදාලව සාක්ෂි වසන් කිරීම සිදුකර ඇතැයි එම අපරාධය සම්බන්ධව විමර්ශනය කරන අපරාධ පරීක්ෂණ දෙපාර්තමේන්තුවේ ප්රධාන පොලිස් පරීක්ෂක අශෝක ෂෙල්ටන් කරුණාරත්න අද (19) ප්රකාශ කළේය.
ඔහු මේ බව ප්රකාශ කළේ පොලිස්පති දේශබන්දු තෙන්නකෝන් ධුරයෙන් ඉවත් කිරීමට අදාලව ඉදිරිපත් වු යෝජනාවේ ඇතුළත් චෝදනා විමර්ශනය කරන ත්රිපුද්ගලකමිටුව අද රැස් වූ අවස්ථාවේ දී එම කමිටුව හමුවේ සාක්ෂි ලබා දෙමිනි.
අතිරේක සොලිසිටර් ජෙනරාල් දිලීප පීරිස් – මේ පරීක්ෂණ ඔබතුමා කවදද පටන් ගත්තේ
ප්රධාන පොලිස් පරීක්ෂකවරයා. – ගරු ස්වාමීන්. 2024. 10.14 වැනිදා
අතිරේක සොලිසිටර් ජෙනරාල් දිලීප පීරිස් – දේශබන්දු තනේනකෝන් මහතා සැඟවිලා සිටිය ද?
ප්රධාන පොලිස් පරීක්ෂකවරයා – ඔවු ස්වාමීනි. ඔහු සඟවලා සිටියා. මම තමයි එතුමාගේ ගෙදරට පළමුවෙන් ගියේ. ගිහිල්ලා සොයා බැලුවා. එතුමා ගෙදර හිටියෙ නැහැ. එතුමාගේ ආරක්ෂක නිලධාරීන් ගෙදර හිටියා. අපි කිසිදු කණ්ඩායමකට එයාව සොයාගන්න බැරි වුනා.
අතිරේක සොලිසිටර් ජෙනරාල් දිලීප පීරිස් – ඒ අනුවද ඔබතුමාලා අධිකරණ ක්රියාමාර්ග ගත්තේ.
ප්රධාන පොලිස් පරීක්ෂකවරයා – ඔව් ස්වාමීනි. ඒ අනුව තමයි විදෙස් ගමන් තහනමකුත් පැනෙව්වේ.
අතිරේක සොලිසිටර් ජෙනරාල් දිලීප පීරිස් – ඔබතුමා කිව්වා සාක්ෂි සඟවලා තිබුණා කියලා.
ප්රධාන පොලිස් පරීක්ෂක – ඔව් ගරු ස්වාමීනි. උණ්ඩ සොයාගත් තැන පිළිබඳව තොරතුරු ඇතුළත් කරලා නෑ. ගෙනිච්චි අවි ආයුධ පිළිබඳවත් නිශ්චිත තොරතුරු නෑ.
අතිරේක සොලිසිටර් ජෙනරාල් දිලීප පීරිස් – මේ සාක්ෂි සැඟවීම පිළිබඳ වැලිගම ඕඅයිසී ඇතුළු නිලධාරීන්ට එරෙහිව නඩු ගොනු කරලා තිබෙනවා ද?
ප්රධාන පොලිස් පරීක්ෂක – ඔව් ගරු ස්වාමීනි. තවත් කීප දෙනෙක් අත් අඩංගුවට ගැනීමට නියමිතයි. තාම පරීක්ෂණ ඉවර නැහැ.
ලබන 23 වැනි සඳදා කමිටුව යළි රැස්වීමට නියමිතය.
