ශිෂ්ඨ මිනිස්සු හාමත්ව සිටිනා සතෙකුටවත් අගතියක් නොකරති. ඒ ශිෂ්ට සම්පන්න සමාජයකය. බ්රහස්පතින්දා, ඊශ්රායල හමුදා ගාසා තීරයේ ආහාර ලබා ගැනීමට පොර බදමින් උත්සාහ කළ හාමත් පලස්තීන ජාතිකයින් 16 දෙනෙකු අද (19) වෙඩි තබා ඝාතනය කළහ.
ඔවුන් ඊයේ (18) අවම වශයෙන් පලස්තීන ජාතිකයින් 29 දෙනෙකු ඝාතනය කරන ලදී. ඊට පෙර දින, ඛාන් යුනිස් හි ගාසා මානුෂීය පදනමේ (GHF) ආධාර බෙදා හැරීමේ ස්ථානයකට රැස්ව සිටියදී ඊශ්රායල හමුදා විසින් අවම වශයෙන් පලස්තීන ජාතිකයින් 70 දෙනෙකු ඝාතනය කර තිබිණි. මේ අශිෂ්ට මිනිස්සු හාමතේ කෑම කටක් වෙනුවෙන් පොරබදනා දුක්ඛිත වූ නිරායුධ සිවිල් වැසියෝ ඝාතනය කරති.
දිවි ගලවා ගත් අයට අනුව මේ සමූහ ඝාතන සිදුකර ඇත්තේ , ඩ්රෝන යානා, මැෂින් තුවක්කු සහ යුධ ටැංකි වලින් ප්රහාර එල්ල කරමිනි.
සඳුදා දිනයේ දී රාෆාහි ආහාර ලබා ගැනීමට උත්සාහ කරමින් සිටින අතරතුර අවම වශයෙන් 38 දෙනෙකු ඒ හා සමාන ආකාරයකින් ඝාතනය විය. ඉරිදා, දකුණු සහ මධ්යම ගාසා තීරයේ අවම වශයෙන් 17 දෙනෙකු මිය ගියහ.
“ මේ මිනී මැරුම් සෑම දිනකම යම් ප්රමාණයකට සිද්ධ වෙනවා. එය පුරුද්දක් බවට පත්වෙමින් තිබෙන්නේ,” ගාසා තීරයේ මාධ්යවේදියෙකු වන යසර් අල්-බන්නා පැවසීය.
ඔහු අල් ජසීරා වෙත මෙසේ කියා තිබිණි. “දැන් ඊශ්රායලය ඉරානය එක්ක යුද්ධයක් ආරම්භ කර ඇති නිසා, ගාසා තීරයේ සිටින සෑම කෙනෙකුම ලෝකය ඔවුන් ගැන අමතක කරයි කියලා බයෙන් ඉන්නේ….” බියෙන් සිටිති.
ඊශ්රයාලය ඉරානය සමග ගැටුමක් අති කරගත්ත ද තවමත් ගාසා ඝාතන නවත්වා නැත. ඔවුන් බටහිර ඉවුරේ මාරාන්තික වැටලීම් සිදු කරන අතරම ගාසා තීරයේ පලස්තීනුවන්ට පහර දීම ද පවත්වාගෙන යයි.
