ශ්රියානි විජේසිංහ –
වායු දූෂණය හේතුවෙන් වසරක ලොව පුරා මිලියන 7ක් පමණ දෙනා මිය යා යුතු වයසට පෙර මිය යන බව ස්වසන රෝග විශේෂඥ වෛද්ය නෙරංජන් දිසානායක පවසා සිටියි.
පෙනහලු පිළිකාවන්ට හේතුව දුම්බීම පමණක්ම නොව වායු දූෂණයද එයට හේතුවක් වී ඇති බව ඉන්දීය විශේෂඥයින් කරන ලද පර්යේෂණයන්ගෙන් මේ වන විට තහවුරු වී ඇතැයි විශේෂඥවරයා පැවසුවේය.
දුම් නොබොන සහ කාන්තාවන් අතර පෙනහලු පිළිකාවන් වැඩිවීමට වායු දූෂණය ප්රධානය හේතුවක් බව මෙම පර්යේෂණයෙන් අනාවරණය වී ඇතැයිද හෙතෙම අවධාරණය කළේය.
දූෂිත වායුවේ අන්තර්ගත ඇතැම් සියුම් අංශු පෙනහලු තුළට ඇතුලු වී පෙනහලු සංකූලතාවන් ඇතිකර දීර්ඝකාලීන ප්රදාහයන් ඇතිකිරීම පමණක් නොව ගර්ත තුළින් වැදෑමහ වෙත ගමන් කර මතු පරපුර වෙතද මෙම දූෂිත සංඝටකයන් රැගෙන යන බව කරන ලද පර්යේෂනයන්ගෙන් හෙලිව ඇති බව විශේෂඥවරයා පැවසුවේය.
කුස තුළ වැඩෙන දරුවාගේ අවයන්ට හානිකිරීමේ හැකියාවන්ද මෙම කුඩා දූෂිත අංශුවලට පවතින බවත් එය නිරෝගි දරු උපතක් ලබා ගැනීමට ගැටලු මතුකරන්නක් විය හැකි බවද හෙතෙම පෙන්වා දුන්නේය.
ඇතැම් විට මෙය එම දරුවා ලොකු මහත්වි බිහිකරන දරුවන්ටද බලපෑම් ඇතිකිරීමේ හැකියාවක් ඇති බවද වෛද්ය මතය වී ඇතැයි විශේෂඥ නෙරංජන් කියා සිටියේය..
පරිසරවේදීන්, කෘෂිකර්මවේදීන්, වායුගෝලිය දූෂණය පිලිබඳ විශේෂඥයින් , රාජතාන්ත්රිකයින් , මාධ්යවේදීන් ඇතුලු සියලුම දෙනා එක්ව කටයුතු කිරීමෙන් වායු දූෂණය නතර කරගත හැකිවා සේම නොදැන නැතිවන ජීවිත බේරාගැනීමට හැකිව වන බවද කීවේය.
සෞඛ්ය ප්රවර්ධන කාර්යාංශයේ පැවති මාධ්ය සම්මන්ත්රණයකදී මෙම තොරතුරු හෙලි කරන ලදි.
