ශ්රියානි විජේසිංහ –
පශ්චාත් සීමාවාසික වෛද්ය නිලධාරීන් බඳවා ගැනීමේ ස්ථානමාරු මණ්ඩලයට රජයේ වෛද්ය නිලධාරීන්ගේ සංගමයට අවසර ලබා දෙන බව පවසමින් සෞඛ්ය අමාත්යංශය අද (10) දිනය තුළදී ලිඛිතව දැනුම් දෙන බව පොරොන්දු වූ බැවින් අදාල ලිපිය ලැබෙන්නේ නම් පමණක් තීරණය කර ගත් දීප ව්යාප්ත වැඩ වර්ජනය අත්හිටුවන බව රජයේ වෛද්ය නිලධාරීන්ගේ සංගමයේ සභාපති වෛද්ය ප්රභාත් සුගතදාස පැවසුවේය.
කෙසේ නමුත් ලිඛිත දැනුම්දීම නොලැබුණහොත් තීරණය කළ වැඩ වර්ජනය ඒ අයුරින්ම පවත්වන බව හෙතෙම පැවසුවේය.
මේ අතර ප්රාථමික වෛද්ය නිලධාරීන් 1402ක් මාර්ගස්ත ක්රමය යටතේ බඳවා ගැනීමට සෞඛ්ය අමාත්යංශය අයදුම්පත් කැඳවීමට ලබා දී තිබු අවසන් දිනය වන හෙට (11) දිනය ලබන 15 වෙනිදා දක්වා දීරඝ කර ඇත.
කෙසේ නමුත් සෞඛ්ය නියෝජ්ය ඇමති හංසක විජයමුණි නිවේදනයක් නිකුත් කරමින් පවසා සිටියේ වෛද්යවරුන් බඳවා ගැනීමේ ලේඛණයට රජයේ වෛද්ය නිලධාරීන්ගේ සංගමයේ විරෝධය පදනම් විරහිත බවය.
වෛද්යවරුන් 1000ට දැනටමත් පත්වීම් ලැබී තිබුණත් මාරුවීම් තවමත් ක්රියාත්මක කර නොමැති බැවින් නොසිටිය යුතු ස්ථානවල තවදුරටත් වෛද්යවරුන්ට රැදී සිටීමට සිදුව ඇති බව පෙනවා දෙන සංගමය ක්රියාපටිපාටියේ වැරදි සහ ලැයිස්තුවේ දෝෂ රාශියක් පැවතීම හේතුවෙන් පශ්චාත් සීමාවාසික වෛද්යවරුන් 1004ට ආසන්න සංඛ්යාවක් දුෂ්කරතාවට පත්ව ඇති බව කීවේය.
