ලසන්ත වික්රමතුංග ඝාතන අපරාධය සම්බන්ධ නෛතික ක්රියාමාර්ගවලදී දැඩි ලෙස බලය අවභාවිතා කිරීම සහ රාජකාරිය දැඩි ලෙස නොසලකා හැරීම සම්බන්ධයෙන් නීතිපතිවරයා වෙත දෝෂාභියෝගයක් ගෙන ඒමට පියවර ගන්නා ලෙස ඉල්ලමින් සන්ඩේ ලීඩර් කර්තෘ ලසන්ත වික්රමතුංගගේ දියණිය අහිම්සා වික්රමතුංග අගමැතිනි හරිනි අමරසූරිය වෙත ලිඛිත ඉල්ලීමක් කර තිබේ.
“මගේ පියා වන ලසන්ත වික්රමතුංග ඝාතනය සම්බන්ධයෙන් ගල්කිස්ස මහේස්ත්රාත් අධිකරණයේ නඩු අංක B 92/2009 යටතේ සැකකරුවන් ලෙස නම් කර තිබූ පුද්ගලයින් තිදෙනෙකු නිදහස් කිරීමට නීතිපති පාරින්ද රණසිංහ මහතා පසුගිය සතියේ ගත් ක්රියාමාර්ගය ගැන මම දැඩි කනස්සල්ලෙන් ලියමි. දේශපාලන මැදිහත්වීම්වලින් තොර ස්වාධීන අපරාධ යුක්ති විනිශ්චය පද්ධතියක් ඇති කිරීමට ජාතික ජන බලවේගය දුන් පොරොන්දුවෙන් පැන නගින දේශපාලන අවදානම් නොතකා තීරණය සමාලෝචනය කරන බවට කඩිනම් නිවේදනය කිරීම ගැන මම ඔබේ රජයට කෘතඥ වෙමි. කෙසේ වෙතත්, රණසිංහ මහතාට ඔහුගේ තීරණය ආපසු හැරවීමට බලපෑම් කිරීම ප්රමාණවත් විසඳුමක් වනු ඇතැයි රජය විශ්වාස කරනු ඇතැයි මම බිය වෙමි.”
නීතිපතිවරයා පාර්ලිමේන්තුවට වගකිව යුතු බවත්, යුක්තිය පසිඳලීමේ රජයේ පොරොන්දුව ඉටු කිරීමට ඇති එකම මාර්ගය පාර්ලිමේන්තුව ඉදිරියේ ඔහුට දෝෂාභියෝගයක් ඉදිරිපත් කර ඔහු ධුරයෙන් ඉවත් කිරීමට උත්සාහ කිරීම බවත් අහිම්සා සිය ලිපියෙන් කියා සිටී.
කෙසේ වෙතත්, නීතිපති දෙපාර්තමේන්තුව පැවසුවේ සැකකරුවන් තිදෙනෙකු නිදහස් කිරීම පිළිබඳ නීතිපතිවරයාගේ නීතිමය මතය සන්ඩේ ලීඩර් කර්තෘ ලසන්ත වික්රමතුංග ඝාතනයට සම්බන්ධ නොවන බවත්, වික්රමතුංගගේ රියදුරු පැහැරගෙන යාම සහ ඔහුගේ ක්ෂේත්ර සටහන් පොත අතුරුදහන් වීම හා සම්බන්ධ බවත්ය. එම ලිපිය පහත දැක්වේ
