ජනාධිපතිවරණය පැවැත්වීමට අවශ්ය සියලු මූලික කටයුතු මේ වන විටත් සැලසුම් කර ඇති බව මැතිවරණ කොමසාරිස් ජනරාල් සමන් ශ්රී රත්නායක පවසයි.
අනිද්දා පෙරවරු 7.00 සිට පස්වරු 4.00 දක්වා ඡන්ද මධ්යස්ථාන 13,421ක ඡන්ද විමසීම පැවැත්වීමට නියමිතව තිබේ.
ඡන්දය සලකුණු කළ යුතු ආකාරය සම්බන්ධයෙන් පැහැදිලි කරන මැතිවරණ කොමසාරිස් ජනරාල් සමන් ශ්රී රත්නායකට අනුව එම ක්රියාවලිය මෙවර පටලවා නොගත යුතු තරමට තරමක් සංකීරණය. එබැවින් මෙය නිවැරදිව කියවාගෙන ඡන්දය දැමිමට යෑම වැදගත්ය.
- යම් කෙනෙකුට ඡන්ද භාවිත කිරීමට අවශ්ය නම් කතිරය ලකුණ භාවිත කළ හැකියි. පහුගිය මැතිවරණ හා සමානව කතිර ලකුණ කොමිෂන් සභාව පිළිගනු ලබනවා.
- ඊට අමතරව අරාබි ඉලක්කම් 1 ලකුණ යොදා ඔබට ඡන්දය භාවිත කළ හැකියි.
- ඔබට යම් අයෙකුට මනාප සලකුණු කරන් අවශ්ය වන්නේ, නම් අනිවාර්යයෙන්ම අරාබි ඉලක්කම් 1 න් සිය පළමු කැමැත්ත ඇති අපේක්ෂකයාට ඡන්දය ප්රකාශ කර අරාබි ඉලක්කම් 2න් මනාපය සලකුණු කළ යුතුයි
- අවශ්ය නම් මනාප දෙකක් ලකුණු කිරීමේ හැකියාවකුත් තියෙනවා. ඒ අනුව අංක 1න් සිය ඡන්දයත්, අංක 2න් පළමු මනාපයත් අංක 03න් දෙවැනි මනාපයත් ලකුණු කළ හැකියි.
- වැදගත්ම වන දේ සිහි තබා ගන්න. යම් අයෙකුට මනාප ලකුණු කිරීමට අවශ්ය නම් අනිවාර්යයෙන්ම ඔබ අරාබි ඉලක්කම් 1,2,3 භාවිත කළ යුතුයි. මෙයින් බැහැරව කුමක් භාවිත කළත් එය ප්රතික්ෂේපිත ඡන්දයක් ලෙස සැලකේ..
- එනම් කතිරය තම අපේක්ෂකයාට යෙදුවොත් මනාප භාවිතා කළ නොහැකියි. කතිරය සලකුණු කර මනාප ලකුණු කරන සෑම ඡන්දයක්ම ප්රතික්ෂේපිත ඡන්ද වේ.
- යළිත් වරක් කිව යුත්තේ මනාප ලකුණු කරනවා නම් 1, 2, 3 ඉලක්කම්වලින් පමණක් සිය මනාපය යෙදිය යුතුය..
ඡන්දය ප්රකාශ කිරීම සඳහා ඡන්ද දායකයෙකු ඡන්ද මධ්යස්ථාන වෙත යාමේ දී රැගෙන යා යුතු දේ පිළිබඳව මැතිවරණ කොමසාරිස් ජනරාල් සමන් ශ්රී රත්නායක මෙසේ පැහැදිලි කරයි
- “ඔබ අනිවාර්යෙන්ම හැඳුනුම්පත, නිල ඡන්ද පත්රිකාව සමග රැගෙන යා යුතුයි.
- පුද්ගලයින් ලියාපදිංචි දෙපාර්තමේන්තුව විසින් නිකුත් කළ ජාතික හැඳුනුම්පත, ඒ වගේම වලංගු විදේශ ගමන් බලපත්රය, වලංගු රියදුරු බලපත්රයක් රැගෙන යා හැකියි. මේ වන විටත් වලංගු බලපත්ර එලෙස රැගෙන යා හැකියි.
- පුජක පක්ෂය වෙනුවෙන් නිකුත් කරන හැඳුනුම්පත භාවිත කළ හැකියි. විශ්රාමික හැඳුනුම්පත, වැඩිහිටි හැඳුනුම්පත හා ආබාධිත ඡන්ද දායකයින් සඳහා කොමිසම නිකුත් කළ තාවකාලික හැඳුනුම්පත හෝ කිසිදු හැඳුනුම්පතක් නොමැති නම් ග්රාම නිලධාරීවරයා හරහා කොමිසම නිකුත් කළ තාවකාලික හැඳුනුම්පත යන ඕනෑම එකක් ඡන්දය දැමීමට වලංගු වේ.
