පිරිමි ජාතික කණ්ඩායම සඳහා පිතිකරණ, පන්දු රැකීමේ සහ දඟ පන්දු යැවීමේ පුහුණුකරු තනතුරු සඳහා ශ්රී ලංකා ක්රිකට් ආයතනය විසින් අයදුම්පත් කැඳවා තිබේ.
මෙම තනතුරු සඳහා අයදුම්කරුවන්ට සිය ක්ෂේත්රය සම්බන්ධව සාධනය කළ හැකි පුහුණු වාර්තාවක්, පළමු පන්තියේ ක්රිකට් අත්දැකීම් සහ ක්රීඩක සංවර්ධනය සහ ක්රිකට් තාක්ෂණය පිළිබඳ ශක්තිමත් ප්රමුඛ කුසලතා තිබිය යුතු බවට එම අයදුම්පතට අදාල දැන්වීමේ සඳහන් වේ.
ශ්රී ලංකා පිරිමි කණ්ඩායමට දැනට සම්පූර්ණයෙන්ම දේශීය පුහුණු කාර්ය මණ්ඩලයක් යටතේ ශික්ෂණය වෙමින් ඇත.
කෙසේ වෙතත් වත්මන් පුහුණු කාර්ය මණඩලය සම්බන්ධව ද බරපතල විවේචනයක් ශ්රී ලංකා ක්රිකට් තුළින්ම මතු වී තිබේ. විශේෂයෙන්ම දඟ පන්දු පුහුණුකරු පියල් විජේතුංග ක්රීඩකයින්ගේ කුසලතා මොට කර ක්රීඩක අනාගතයත් විනාශකරන ප්රතිඵල රහිත ව්යසනයක්ය යන මතය පැවතුනත් ඔහුව දිගටම දඟ පන්දු පුහුණුකරු ලෙස රඳවා ගැනීම බරපතල ගැටලුවක් බව ද වාර්තා වේ.
එමෙන්ම පිතිකරණ පුහුණුකාර තිළිණ කණ්ඩම්බි සම්බන්ධව ද වේග පන්දු පුහුණුකරු දර්ශන ගමගේ සම්බන්ධව ද අභ්යන්තර විවේචන ඇති බවත් එවැනි විවේචනයකට ලක් නොවී සිටින්නේ පන්දු රැකීමේ පුහුණුකාර උපුල් චන්දන පමණක් බවත් දැනගන්නට ඇත.
