සංවිධානාත්මක හා අපරාධ කල්ලි සාමාජිකයකු වන දෙමටගොඩ රුවන් නැමැත්තාට අයත් රුපියල් කෝටි 10 කට ආසන්න වටිනාකමකින් යුත් පස් මහල් ගොඩනැගිල්ලක් අපරාධ පරීක්ෂණ දෙපාර්තමේන්තුව සිය භාරයට ගනු ලැබීය.
නීති විරෝධි වත්කම් විමර්ශන කොට්ඨාසය විසින් සිදුකරනු ලැබූ දීර්ඝ විමර්ශනයකට පසුව දෙමටගොඩ පාර, කොළඹ 09 ප්රදේශයේ පිහිටි කෝටි 10කට වඩා වටිනාකමකින් යුතු මෙම දේපල දෙමටගොඩ රුවන් නැමැත්තා විසින් මත්ද්රව්ය ජාවාරමෙන් උපයා ගත් බවට කරුණු අනාවරණය වී ඇත.
ඒ විමර්ශනයට අදාල කරුණු අධිකරණයට ඉදිරිපත් කිරීමෙන් අනතුරුව එම ගොඩනැගිල්ල කිසියම් තැනැත්තෙකුට පැවරීම, විකිණීම, හෝ වෙනයම් ක්රියාදාමයක් සිදුකිරීම වළක්වාලමින් දේපළ ක්රියා විරහිත කිරීමේ නියෝගයක් අධිකරණය විසින් නිකුත් කළේය.
නීති විරෝධී වත්කම් විමර්ශන කොට්ඨාසය මගින් මීට පෙර දෙමටගොඩ රුවන්, ඔහුගේ බිරිය, ඔහුගේ සහෝදරියට සහ පුත්රයාට එරෙහිව නීති විරෝධීව උපයාගත් දේපොළ සම්බන්ධයෙන් නඩු පවරා තිබුණි. වැඩිදුර විමර්ශන ක්රියාත්මකව ඇත.
