දිනසේන රතුගමගේ –
කිළිනොච්චියේ පුනරීන් අඩවි වන නිලධාරී කාර්යාලයට හා එහි නිලධාරීන් දෙදෙනෙකුට ඊයේ (28) ප්රහාරයක් එල්ල වී ඇත.
මෙම ප්රහාරයෙන් නිලධාරීන් දෙදෙනෙකු තුවලා ලබා පුනරීන් රෝහලට ඇතුළත් කොට ඇති අතර කාර්යාලයේ දොර ජනෙල් වීදුරුවලට හා ගොඩනැගිල්ලක කොටසකට හානි සිදුව තිබේ.
ප්රහාරය සඳහා පැමිණි පිරිස ලී කොටවලින් දමා ගසා ගොඩනැගිල්ලට හානි සිදු කොට නිලධාරීන්ට පොලු වලින් පහර දී ඇත.
ප්රහාරය එල්ල කළ කණ්ඩායමෙන් එක් අයෙකු පුනරීන් පොලීසිය විසින් අත් අඩංගුවට ගෙන තිබේ.
සැකකරුගෙන් කළ ප්රශ්න කිරීම්වලදී හෙළි වී ඇත්තේ අනවසරයෙන් වනාන්තර කැපීමේ සිද්ධියක් මත සැකකරුවන්ට වන සංරක්ෂණ නිලධාරීන් විසින් මීට පෙර දඬුවම් කිරීමේ සිද්ධියකට පලි ගැනීම පිණිස මෙම ප්රහාරය එල්ල කොට ඇති බවය.
ප්රහාරය සදහා කීප දෙනෙකු බීමතින් පැමිණ ඇති අතර ඔවුන්ගෙන් ප්රහාරය එල්ල කොට ඇත්තේ එක් අයෙකු පමණක් බවත්, අනෙක් පිරිස සැඟවී සිට සිද්ධිය නිරීක්ෂණය කොට ඇති බවත් .
පුනරීන් පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
