ඩෑන් ප්රියසාද් වෙඩි තබා ඝාතනය කළ සිදුවීමේ වෙඩික්කරු කෑගල්ල කොට්ඨාස අපරාද විමර්ශන ඒකකය විසින් අද (19) අත්අඩංගුවට ගත්තේය.සැබෑ සැකකරු මෙසේ අත් අඩංගුවට ගැනානේ ඩෑන් ඝාතන සැකකරු අත් අඩංගුවට ගත් බව පවසමින් පුද්ගලයෙක් අත් අඩංගුවට ගෙන මාධ්ය සංදර්ශනයක් පවත්වා මාස ගණනකින් පසු වීම විශේෂය.
අත්අඩංගුවට ගෙන ඇති සැකකරු 42හැවැරදි වැලිඔය ප්රදේශයේ පදිංචිකරුවෙකු වන හිටපු යුද හමුදා සෙබළෙකි. කොට්ඨාස අපරාද විමර්ශන අංශයේ ප්රධාන පොලිස් පරීක්ෂක මංජුල පිය තිස්සට සහ පොලිස් පරීක්ෂක රූක්ෂාන්වෙත ලද තොරතුරකින් කියවී ඇත්තේ නාඳුනන යුවළක් කෑගල්ල නගරයේ වසා දමා තිබෙන සමාජ ශාලාවක දිගු කලක් නවාතැන් ගෙන මත්ද්රව්ය ජාවාරම් සිදු කරනබවටයි.
ඒ අනුව එම ස්ථානය වැටලීමේදී සැකකරු සමග තවත් කාන්තාවක්ද අත්අඩංගුවට ගෙන තිබේ.ප්රශ්න කිරීමේදී අනාවරණය වී ඇත්තේ දික්පිටිගොඩ ලහිරු සහ පලනි රිමෝශන්ගේ කීම මත ඩෑන් ඝාතනය කළබවය.
එයට අමතරව මහබාගේ ප්රදේශයේදී වැල්ලේ සාරංග නැමැත්තාගේ කීමමත පුද්ගලයෙකු ඝාතනය කිරීමට ගොස් එම අවස්ථාවේදී ගිනි අවිය ක්රියා විරහිත වී ඇති බවද අනාවරණය වී ඇත.
සැකකරු සතුව තිබී හෙරොයින් මත්ද්රව්ය ග්රෑම් 12ක් සහ මිලි ග්රෑම් 293ක ප්රමාණයක් සහ කාන්තාව සතුව අයිස් මත්ද්රව්ය ග්රෑම් 4ක් සහ මිලි ග්රෑම් 400 සොයාගෙන ඇත.
එයට අමතරව පොලිස් නිලධාරීන් විසින් වසා දමා තිබූ රාත්රී සමාජ ශාලාව පරීක්ෂා කිරීමේදී එහි තිබී විදෙස් රටක නිෂ්පාදිත දුම් වැටි කාටුන් හැට දෙකක්,ගජ මුතු බවට සැක කෙරෙන පහක් සොයාගෙන තිබේ. මෙම සැකකරු දිවයිනේ විවිධ ප්රදේශවල අපරාධ කර ඇතැයිද සොයා බැලීමට මේ වන විට පොලිසිය කටයුතු කරමින් ඇත.
