දේශබන්දු තෙන්නකෝන් පොලිස්පතිවරයා ලෙස පත් කිරීමට එරෙහිව අති උතුම් අග රදගුරු මැල්කම් කාදිනල් රන්ජිත් පියතුමා ඇතුළු පාර්ශව අටක් විසින් ගොනු කර ඇති පෙත්සම්වල කරුණු සලකා බැලීම අවසන් කළ ශ්රේෂ්ඨාධිකරණය එහි තීන්දුව ලබන ජූලි 24 වැනිදා තින්දු කිරීමට නියම කළේය.
එදිනට පෙත්සම් විභාගයට අවසර ලබාදෙන්නේ ද නැද්ද යන්න පිළිබඳව හා පෙත්සම් කරුවන් සිය පෙත්සම් මගින් ඉල්ලා ඇති අතුරු නියෝග ලබා දෙන්නේ ද නැද්ද යන්න ප්රකාශ කිරීමට නියමිතව ඇත.
පෙත්සම අද කැඳවූ අවස්ථාවේ දී පෙත්සම් කරුවන්ගේ පාර්ශවය වෙනුවෛන් පෙනී සිටි ජනාධිපති නිතිඥ සාලිය පීරිස් පැවසුවේ රජයේ නිලධාරියෙක් ලෙස පත්වීමක් සිදු කිරීමේ දී සලකා බලන කරුණු ඇති බවත්, ඒ සියල්ල නොසලකා හරිමින් පොලිස්පතිවරයා ලෙස දේශබන්දු තෙන්නකෝන් එම ධූරයට පත් කර ඇති බවය.
ජනාධිපති නීතිඥ සාලිය පීරිස් වැඩිදුරටත් කියා සිටියේ අපරාධ චෝදනා එල්ල වී සිටින පොලිස්පති දේශබන්දු තෙන්නකෝන් ශ්රේෂ්ඨාධිකරණය විසින් පුද්ගලයෙකුගේ මූලික අයිතිවාසිකම් කඩ කළ වගඋත්තර කරුවෙක් ලෙස ලෙස තීන්දු කර ඇති පුද්ගලයෙක් බවය.
ඔහු පොලිස්පති ධූරයේ කටයුතු කිරීමට නුසුදුසු පුද්ගලයෙක් බව ජනාධිපති නිතිඥවරයා අධිකරණය ඉදිරියේ පෙන්වා දුන්නේය. ව්යවස්ථාදායක සභාවේ නිසි අනුමැතියක් නොමැතිව දේශබන්දු තෙන්නකෝන් පොලිස්පතිවරයා ලෙස පත් කිරිම ව්යවස්ථාව උල්ලංඝනය කිරිමක් බව ද ජනාධිපති නීතිඥවරයා අවධාරණය කළේය.
පෙත්සම්කරුවන් සිය පෙත්සම් මගින් කියා සිටින්නේ පොලිස්පතිවරයා වශයෙන් පත් කිරිම සඳහා ජනාධිපතිවරයා විසින් නිර්දේශ කරනු ලැබූ දේශබන්දු තෙන්නකෝන්ගේ නාම යෝජනාව ආණ්ඩුක්රම ව්යවස්ථාදායක සභාව විධිමත් ආකාරයෙන් අනුමත කර නොමැති බවය.
එවැනි අවස්ථාවක ඔහු එම තනතුර සඳහා පත් කිරීමට ජනාධිපතිවරයා ගනු ලැබූ තීරණය සම්පූර්ණයෙන් නීතියට පටහැනි බවත්, පෙත්සම් කරුවෝ අධිකරණය ඉදිරියේ අවධාරණයෙන් දන්වා සිටියහ.
එබැවින් අදාල පත් කිරීම බල රහිත කිරීමේ නියෝගයක් නිකුත් කරන ලෙස පෙත්සම්කරුවෝ ඉල්ලූහ. මෙම පෙත්සම්වල වගඋත්තරකරුවන් ලෙස ආණ්ඩුක්රම ව්යවස්ථාදාක සභාවේ සාමාජිකයින්, දේශබන්දු තෙන්නකෝන් නීතිපතිවරයා ඇතුළු පිරිසක් නම් කර තිබිණි,
