මනම්පිටිය නිමල් ජයරත්න –
දිඹුලාගල අධ්යාපන කලාපයට අයත් සිරිපුර ප්රදේශයේ ප්රධාන පාසලක ගැබිණි ගුරුවරියකට ලිංගික අතවරයක් කිරිමේ චෝදනා මත එම විද්යාලයේ නියොජ්ය විදුහල්පතිවරයි ඊයේ (21) අත් අඩංගුවට ගත් බව සිරිපුර පොලිසිය පවසයි.
අතවරයට ලක් වූ 30 හැවිරිදි වින්දිත ගුරුවරිය විසින් සිරිපුර පොලිසියේ කරන ලද පැමිණිල්ලකට අනුව අත් අඩංගුවට පත්වන නියෝජ්ය විදුහල්පතිවරයා 56 හැවිරිදි පුද්ගලයෙකි.
ගුරුවරිය මේ වන විට දෙහිඅත්තකණ්ඩිය රෝහලට ඇතුළත් කර තිබෙන බවත් සිද්ධිය පිළිබඳ වැඩිදුර පරීක්ෂණ සිදුකරන බවත් සිරිපුර පොලිස් ස්ථානාධිපති පොලිස් පරීක්ෂක ජී.ආර්.ජී. නෙත්තසූරිය අප කළ විමසීමකදී සඳහන් කළේය.
පසුගිය18 වෙනිදා විද්යාලයේදී මෙම සිද්ධිය සිදු වී ඇති අතර, සිද්ධිය සම්බන්ධව විද්යාලයේ ආරක්ෂිත කැමරා විමර්ශකයින්ගේ පරීක්ෂාවට ලක් කර ඇත.
සිද්ධිය පිළිබඳ පරීක්ෂණ කටයුතු කර සියලු වාර්තාවන් දෙහිඅත්තකන්ඩිය මහේස්ත්රාත් අධිකරණයට ඉදිරිපත් කිරීමට කටයුතු කර ඇති බවද පොලිසිය කියයි.
මේ පිළිබඳව අදාළ ගුරුවරිය විසින් 18 වෙනිදා පොලිසියට පැමිණිල්ලක් යොමු කර ඇති බවද සිරිපුර පොලිසිය සඳහන් කරයි.
අත්අඩංගුවට ගත් නියෝජ්ය විදුහල්පතිවරයා අද (22) දෙහිඅත්තකන්ඩිය මහේස්ත්රාත් අධිකරණයට ඉදිරිපත් කිරීමට කටයුතු කර ඇති බව ඒ පිළිබඳ පරීක්ෂණ සිදු කරන සිරිපුර පොලිස් ස්ථානාධිපති පොලිස් පරීක්ෂක ජී.ආර්.ජී. නෙත්තසුරිය වැඩිදුරටත් කීවේය.
පොළොන්නරුව ජ්යෙෂ්ඨ පොලිස් අධිකාරි නිශාන් ද සිල්වාගේ උපදෙස් මත සිරිපුර පොලිස් ස්ථානාධිපති පොලිස් පරීක්ෂක ජී.ආර්.ජී නෙත්සූරිය ඇතුළු පොලිස් නිලධාරී කණ්ඩායමක් මේ පිළිබඳ වැඩිදුර පරීක්ෂණ සිදු කරයි.
