දිනසේන රතුගමගේ –
මැතිවරණ නීති උල්ලංඝණය කිරීමේ සිද්ධියක් සම්බන්ධයෙන් දෙමළ ජාතික ජනතා පෙරමුණේ (TNPF) නායක ගජේන්ද්රකුමාර් පොන්නම්බලම් හිටපු මන්ත්රීවරයා නෙල්ලිඅඩි පොලීසිය විසින් අද ( 24 ) අත් අඩංගුවට ගෙන තිබේ.
ගජේන්ද්රකුමාර් පොන්නම්බලම් හිටපු මන්ත්රීවරයා මෙවරද යාපනය දිස්ත්රික්කයෙන් මහ මැතිවරණයට තරග කරණ අතර ඔහු තවත් ආධාරකරුවන් පිරිසක් සමග එක්ව නෙල්ලිඅඩි ප්රදේශයේ අත් පත්රිකා තොගයක් බෙදා හරිමින් සිටියදී පොලීසිය විසින් අත් අඩංගුවට ගෙන තිබේ.
පක්ෂයේ ආධාරකරුවන් පොලීසිය පැමිණෙනු දක පලා ගොස් ඇති අතර ගජේන්ද්රකුමාර් පොන්නම්බලම් හිටපු මන්ත්රීවරයා පොලීසිය සමග බහින් බස් වීම නිසා ඔහුව අත් අඩංගුවට ගෙන තිබේ.
නෙල්ලිඅඩි පොලීසිය ප්රකාශ කළේ ප්රකාශයක් සටහන් කර ගැනීමෙන් පසුව ජෙයෂ්ඨ පොලිස් නිලධාරීන්ගේ උපදෙස් මත හිටපු මන්ත්රීවරයාට එරෙහිව නීතිය ක්රියාත්මක කිරීමට කටයුතු කර ඇති බවය.
