දිනසේන රතුගමගේ –
රුපියල් මිලියන 291 ක වියදමකින් 2016 වසරේදී වවුනියාවේ ඉදි කළ විශේෂිත ආර්ථික මධ්යස්ථානය මේ දක්වා විවෘත කොට නොමැත.
කඩ කාමර 55 කින් සමන්විත මෙම ගොඩනැගිලි සංකිර්ණය ඉදිකිරීමේ කොන්ත්රාත්තුව බාර ගත් අදාල සමාගම 2018 වසරේදී බලධාරීන් වෙත එම ගොඩනැගිල්ල බාර දී ඇතත් එය මේ දක්වා විවෘත කිරීමට බලධාරීහු අපොහොසත් වී සිටිති.
මේ තත්ත්වය මත වවුනියාවේ තොග එලවලු මධ්යස්ථානය හා අනෙකුත් තොග අලෙවි සැල් සියල්ලක්ම ක්රියාත්මක වන්නේ වෙනත් වෙනත් ස්ථාන වලදීය.
මහ පාර අයිනේ ක්රියාත්මක තොග වෙළද මධ්යස්ථානද දක්නට ලැබෙයි.
කොරෝනා සමයේදී මෙම වෙළද සංකීර්ණයේ ගොඩනැගිලි වල කොරෝනා මර්දන ඒකකයක් පිහිට වූ අතර දින කීපයක් උතුරේ සිට කොළඹට රැගෙන යන එලවලු හුවමාරු කිරීමේ මධ්යස්ථානයක් වශයෙන්ද එම ගොඩනැගිලි ප්රයෝජනයට ගන්නා ලදී.
නමුත් මේ වන විට එම ගොඩනැගිලි සංකීර්ණය සම්පූර්ණයෙන්ම වසා දමා තිබේ.
වවුනියාවේ දිස්ත්රික් සංවර්ධන සභා රැස්වීම් වලදී මේ විශේෂිත ආර්ථික මධ්යස්ථානය විවෘත කොට දෙන ලෙස වවුනියාවේ වෙළඳ සංගමය හා තවත් සංවිධාන කීපයක්ම ඉල්ලීම් කොට ඇතත් මේ දක්වාම එම ගොඩනැගිලි සංකීර්ණය විවෘත වී නොමැත.
