කාන්තා ලෝක කුසලාන එක්දින ක්රිකට් තරගාවලියේ පළමු අවසන් පූර්ව තරගය අද (29) පස්වරු 3.00ට ගුවහාතිදී පැවැත්වේ.
මෙතෙක් පැවති තරගාවලි වාර්තා අනුව දකුණු අප්රිකානු කාන්තාවන්ට මේ තරගයෙන් එංගලන්තය පැරදවීම පහසු නැත. මේ දෙපිල අවසන් වරට හමුවූ අවස්ථා තුනේදීම තරග ජය ගත්තේ එංගලන්ත කණ්ඩායමය.
මින් පෙර මෙම තරගාවලියේ මූලික වටයේ සිවු වන තරගයේ දී එංගලන්තය සහ දකුණු අප්රිකාව හමුවූයේය. ගුවහාති හි බර්සපාරා ක්රීඩාංගනයේ දී පැවති එම තරගයේ දී දකුණු අප්රිකාවනු කාන්තාවෝ එංගලන්තය හමුවේ බිහිසුණු පරාජයකට මුහුණ දුන්හ. පළමුවට පන්දුවට පහර දුන් දකුණු අප්රිකානු කාන්තා කණ්ඩායම පන්දු ඕවර 20.4කදී ලකුණු 69කට දැවී ගියහ. එංගලන්ත පිල ඕවර 14.1කදී ජය හිමිකර ගත්තේ කිසිවකුත් නොදැවී තිබියදීය.
මේ දෙපිල 47 වරක් ජාත්යන්තර එක්දින ක්රිකට් පිටියේදී හමුව තිබේ. ඉන් තරග 36ක් ජය ගැනීමට එංගලන්තය සමත් වී ඇත. දකුණු අප්රිකාව ජය ගෙන ඇත්තේ තරග 10ක් පමණි. දකුණු අප්රිකාව පසුගිය වසරේ දෙසැම්බර් මස ඩර්බන්හිදී පැවති තරගයෙන් අවසන් වරට එංගලන්තය පරාජය කර තිබේ.
මින් පෙර පිට පිට තෙවරක් දකුණු අප්රිකානු කාන්තාවේ අවසන් පූර්ව වටයට පිවිසියහ. අවසන් පූර්ව වටයට පිවිස ඉන් විසිවී ගියහ.
එංගලන්තය අඛණ්ඩව අවසන් පූර්ව වටයට පිවිසි 6 වැනි අවස්ථාව මෙය ය. 2022 තරගාවලියේ අනුශූරියන් එංගලන්තය ය.
තරගාවලියේ දෙවැනි අවසන් පූර්ව තරගය ඔස්ට්රේලියාව සහ ඉන්දියාව අතර හෙට පැවැත්වේ. තරගාවලියේ අවසන් මහ තරගය ලබන ඉරිදා (2) පැවැත්වීමට නියමිතය.
