එළඹෙන පළාත් පාලන මැතිවරණය වෙනුවෙන් සමගි ජන බලවේගය සහ එක්සත් ජාතික පක්ෂය යළිත් එක් වී තරග කිරීමේ සූදානමක් සම්බන්ධව අභ්යන්තර දේශපාලන ආරංචි මාර්ග සඳහන් කරයි.
සමගි ජන බලවේගයේ මහ ලේකම් රන්ජිත් මද්දුම බණ්ඩාර අද මාධ්යයට පැවසුවේ එක්සත් ජාතික පක්ෂයට සහ සමගි ජන බලවේගයට එක්වන ලෙස විශාල ජනතා ඉල්ලීමක් ඇති බවය. ඒ අතර අද පැවති මාධ්ය හමුවක දී සමගි ජන බලවේගයේ පාර්ලිමේන්තු මන්ත්රී හෙක්ටර් අප්පුහාමි ප්රකාශයක් කරමින් එක්සත් ජාතික පක්ෂය යනු සමගි ජන බලවේගයම බව ප්රකාශ කළේය.
මේ අතර වැලිපන ධම්මාරාම හිමියන්ගේ 50 වැනි ජන්ම දිනය වෙනුවෙන් ඊයේ පැවති ආශීර්වාද පින්කමට එක්සත් ජාතික පක්ෂ නායක රනිල් වික්රමසිංහ සහ සමගි ජන බලවේගයේ නායක සජිත් ප්රේමදාස එක් වී සිටියහ.
එක්සත් ජාතික පක්ෂයේ සභාපති වජිර අබේවර්ධන මැදිකරගෙන සජිත් සහ රනිල් සුහද සාකච්ඡාවක නිරතවෙමින් ඇති ආකාරය ද දක්නට ලැබිණි. මැතිවරණ පරාජයෙන් පසු යළි එක්සත් ජාතික පක්ෂය සහ රනිල් වික්රමසිංහ සමග එක් විය යුතු බවට සමගි ජන බලවේගය තුළින්ම එහි නායක සජිත් ප්රේමදාස වෙත විශාල පීඩනයක් එල්ල වූ බව අභ්යන්තර දේශපාලන ආරංචි මාර්ග තහවුරු කළේය.
