ලලිත් චාමින්ද –
ආහාර කොමසාරිස් දෙපාර්තමේන්තුව විසින් කුලී පදනම මත ලබා දි ඇති ගබඩා හා පරිශ්ර 32කින් හිඟ ගබඩා කුලි වශයෙන් රුපියල් දහනමකෝටි,දෙලක්ෂ හැත්තැපන්දහස් පන්සියහයක මුදලක් (190,275,506) අයවීමට ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ.
පුද්ගලික අංශයේ ආයතන 15කින් රුපියල් තුන්කෝටි,හැටහයලක්ෂ, තිස්හතර දහස් එකසිය හැත්තෑ එකක (36,634,171) මුදලක් හිග ගබඩා කුලි මුදල් ලෙස අයවීමට තිබුණි.
ගබඩා 21ක් සඳහා රාජ්ය ආයතන 07කින් අයවිමට ඇති මුදල රුපියල් හත්කෝටි, පනස් හත්ලක්ෂ,හැටහත් දහස්,අටසිය අසුවකි (75,767,880). එමෙන්ම සන්තකය ලබා ගැනීම සහ හිඟ ගබඩා කුලි අයකරගැනිමට නිතිමය ක්රියාමාර්ග ගෙන ඇති ගබඩා 04ක් සම්බන්ධයෙන් අයවීමට ඇති මුදල තුන් කෝටි, හත් ලක්ෂ, පනස් එක්දහස් අටසිය හතලිහකි (30,751,840) . කුලියට ලබා දි නැවත පවරාගෙන තිබු ගබඩා 27කින් රුපියල් හාරකෝටි හැත්තැ එක්ලක්ෂ, විසිඑක් දහස් හයසිය පහළොවක මුදලක් (47,121,615) අයවීමට තිබුණි.
ආහාර කොමසාරිස් දෙපාර්තමේන්තුව සම්බන්දයෙන් 2024 වර්ෂයට අදාළව නිකුත්කොට ඇති කාර්ය සාධන වාර්තාවට ඇතුළත්කොට ඇති විගණන වාර්තාවේ මෙම තොරතුරු ඇතුළත්ව ඇත.
