සැප්තැම්බර් මස 20 ආරම්භ කෙරෙන ශ්රී ලංකා අවුරුදු 19 න් පහළ කණ්ඩායමේ ඕස්ට්රේලියානු සංචාරය සඳහා නම් කර ඇති ශ්රී ලංකා කණ්ඩායම වෙනුවෙන් සංචිතගත 15 දෙනෙකුගෙන් යුතු සම්මතය 16ක් බවට පත් කර තිලකරත්න ඩිල්ෂාන්ගේ දියණිය ඇතුළත් කර ඇතැයි ලංකාසරට වාර්තා වේ.
මෙම සංචාරයට තේරීම් කමිටුව විසින් තේරූ ක්රීඩිකාවන් 15 දෙනකු යුතු නිශ්චිත සංචිතය හදිසියේ 16ක් කර 16 වැනි ක්රීඩිකාව ලෙස ඇය ඇතුළත් කිරීමට ක්රිකට් බලධාරීන් කටයුතු කර ඇත.
මෙවැන්නක් සිදු කිරීමට නියමිත බව ලංකාසර කලින්ම වාර්තා කර තිබුණු බව කිය යුතුය. මේ වෙනුවෙන් තිලකරත්න ඩිල්ෂාන් ශ්රී ලංකා ක්රිකට් බලධාරීන්ගේ කොන්ත්රාත් රැසක් ඉටු කළ බවත් ක්රිකට් දූෂණ සොයන බවට සිය ප්රතිපත්ති ප්රකාශනයේ දක්වා ඇති සමගි ජන බලවේගයේ දේශපාලන කටයුතු වෙනුවෙන් ඔහු ඉදිරිපත් වන්නේත් ඉහළ ශ්රී ලංකා ක්රිකට් බලධාරීන් කිහිප දෙනෙකුගේ අවශ්යතාවයට බවත් මධ්ය ඔස්සේත් හෙළිදරවු වී තිබිණි.
මූලික තේරීම් වලදී ජාතික කාන්තා තේරීම් කමිටුව විසින් තෝරා ගන්නා ලද කණ්ඩායමට තිලකරත්න ඩිල්ෂාන්ගේ දුව ඇතුළත් නොවුනත් ඉහළ පෙළේ ප්රබල ක්රිකට් බලධාරීන් දෙදෙනකු හා තේරීම් කමිටු සභාපති වරයාගේත් ප්රධාන පුහුණුකරුගේත් බලපෑම මත මෙම තේරීම සිදු කර ඇතැයි වාර්තා වන්නේ මේ පසුබිමේදී ය.
පසුගිය අන්තර් පළාත් තරගාවලියේදී ඇයට වඩා දස්කම් දැක්වූ ක්රීඩිකාවන් තෝරා නොගෙන සිදුකළ මෙම තෝරා ගැනීම සම්බන්ධව මේ වනවිට බරපතල ප්රශ්නකිරීමක් සිදුවන බව ශ්රි ලංකා ක්රිකට් අභ්යන්තර ආරංචි මාර්ග සඳහන් කරයි.
මේ අතර ඕස්ට්රේලියානු පුරවැසියකු වන තිලකරත්න ඩිල්ෂාන් සජබයට එක්වී ශ්රී ලංකාව තුළ දේශපාලනයේද යෙදී සිටී.
මෙම සංචාරයේ යෙදෙන පුහුණුකරු මීට පෙර ශ්රී ලංකා කාන්තා ක්රිකට් කණ්ඩායමක් ඕස්ට්රේලියාවේම කරන ලද සංචාරයකදී බීමතින් රංගනයේ යෙදෙන වීඩියෝවක් සමාජ ගත වීම නිසා එම කණ්ඩායමෙන් ඉවත් කරන ලද අයෙකි.
කාන්තා ක්රිකට් තේරීම් කමිටු සභාපතිවරයාද තමන්ට තහනම් කටයුත්තක් වුවත් සීනිගම ප්රදේශයේ එන්ජීඕ ඇකඩමියක සති අන්ත පුහුණු කිරීම් වල නිරත වන පුද්ගලයකු වන අතර එම ඇකඩමියේ පුහුණුව ලබන ක්රීඩිකාවන් කිහිප දෙනෙකුම මෙම සංචාරයට තෝරා ගෙන තිබීම විශේෂත්වයකි.
කෙසේ වෙතත් ජාතික ක්රිඩා කණ්ඩායම්වලට අවසන් අනුමැතිය ලබා දෙන්නේ ක්රීඩා ඇමතිවරයා වීමත් මෙම සංචාරය සඳහා තෝරා ගත් සංචිතයට අනුමැතිය ලබා දීම සිදුකළ යුත්තේ මේ වනවිට ක්රීඩාව භාර වත්මන් ඇමති ධූරය දරන ජනාධිපතිවරයා වීමත් සම්බන්ධව සියලු දෙනාගේම අවධානය යොමු වී ඇත.
