ඉඳුනිල් කහටපිටිය –
ශ්රී ලංකාවේ දේශපාලන හා ආගමික කවයන් අළලා පෙළ ගැසෙන තවත් නාටකාකාර සිදුවීම් මාලාවක උච්ච අවස්ථාවක් සලකුණු වී තිබේ. හිටපු පාර්ලිමේන්තු මන්ත්රී සහ රට දන්නා බෞද්ධ භික්ෂුවක්වන පූජ්ය අතුරලියේ රතන හිමියන් පොලිසිය විසින් අත්අඩංගුවට ගැනීමට යන විට අතුරුදහන් වී ඇත. අත්අඩංගුවට ගැනීමේ වරෙන්තුව පැන නගින්නේ 2020 මහ මැතිවරණයට සම්බන්ධ දේශපාලනික වශයෙන් ආන්දෝලනාත්මක සිදුවීමකදී තවත් භික්ෂුවක් පැහැර ගැනීම සම්බන්ධයෙනි. හාමුදුරුවන් නැගෙන චෝදනාව බරපතලය.
චෝදනා
පොලිස් පරීක්ෂණවලට අනුව, එවකට අපේ ජන බල පක්ෂයේ මහලේකම් පූජ්ය වේදිනිගම විමලතිස්ස හිමියන් පැහැරගෙන යාම සහ බිය ගැන්වීමට රතන හිමියන් සම්බන්ධ බවට බරපතල සැකයක් මතු වි තිබිණි. චෝදනා එල්ල වී ඇති සිද්ධිය වාර්තා වන්නේ 2020 පාර්ලිමේන්තු මැතිවරණයෙන් ටික කලකට පසුවය.
විමලතිස්ස හිමියන් කියා සිටින්නේ තමන්ව බලහත්කාරයෙන් තුවක්කුව පෙන්වා පැහැර ගෙන ගොස් හිස් ලියකියවිලි කිහිපයකට අත්සන් කිරීමට බල කළ බවය. රතන හිමියන්ගේ නම ජාතික ලැයිස්තු පාර්ලිමේන්තු මන්ත්රී ධුරයක් සඳහා ඉදිරිපත් කිරීමට මග පෑදුනේ තමන්ට මරණ බිය ඇති කර ලබා ගත් අත්සනින් බව වේදිනිගම හිමියෝ කීහ. පාර්ලිමේන්තු මැතිවරණයෙන් අපේ ජන බල පක්ෂයට හිමිවූ එකම පාර්ලිමේන්තු ආසනය බෙදා ගැනීමට නොහැකිව දැඩි අභ්යන්තර බල අරගලයක් නිර්මාණය වී තිබුණු අතර මේ ප්රකාශ වී තිබුණේ ඒ අලජ්ජී හැසිරීම නිරුවතය.
කෙසේ වෙතත් අපේ ජන බල පක්ෂය යනුම මේ දේශපාලනයේ නිර්දය විකෘතිය කියා පෑ අවස්ථාවක් විය. එහි නායකත්වය දැරුවේ රටේ කුප්රකට අපරාධ චෝදනා ලබූ පුද්ගලයෙකි. සමන් පෙරේරා නැමැති මේ පුද්ගලයා 2024/ 01/02 දින බෙලි අත්තේ දී වෙඩි තබා ඝාතනය කරනු ලැබුවේය.
අතුරුදහන් වීම
2025 අගෝස්තු 7 වන දින රාත්රියේ, කොළඹ අපරාධ කොට්ඨාශයේ (CCD) නිලධාරීන් රාජගිරියේ සඳහම් සෙවණේ රතන හිමියන්ගේ පන්සලට පැමිණියහ. රතන හිමියන් අත් අඩංගුවට ගැනිම ඉලක්කය විය. නමුත් භික්ෂුව කොතැනකවත් සොයාගත නොහැකි විය. ඔහුගේ ජංගම දුරකථනය ක්රියා විරහිත කර තිබිණි. විමර්ශන අංශ කීවේ රතන හිමියන් හිතාමතාම සැඟවී සිටින බවය.
වේදිනිගම හිමියන් පැහැර ගැනීමට සම්බන්ධ යැයි කියන පුද්ගලයින් දෙදෙනෙකු විමර්ශකයින් දැනටමත් අත්අඩංගුවට ගෙන තිබේ. ඉන් එක්කෙනෙක් හිටපු භික්ෂුවකි. හේ පූජ්ය කටුවන නන්දසීහ නමින් පැවිදි කාලයේ දී හඳුන්වා තිබිණි. 35 හැවිරිදිය. හේ දැන් උපවැදි ගිහියෙකි. පැහැර ගැනීම සිදු වූ අවස්ථාවේ රතන හිමියන් සහ සැකකරුවන් අතර අසාමාන්ය සන්නිවේදන රටා ජංගම දුරකථන විශ්ලේෂණයෙන් පෙන්නුම් කරන බව විමර්ශන අංශ තහවුරු කළේය.
ඉහළ පෙළේ සම්බන්ධතා
දැන් නඩුව භික්ෂුවගේ ආසන්න කවයෙන් ඔබ්බට ගොස් ඇත. අදාල සිදුවීම සම්බන්ධව හිටපු ජනාධිපති ගෝඨාභය රාජපක්ෂ සහ පොලිස්පති ධූරයෙන් නෙරපා දැමු පොලිස්පති දේශබන්දු තෙන්නකෝන් යන අයගෙන් ප්රශ්න කිරීමට බලධාරීන් අපේක්ෂා කෙරේ.
විමලතිස්ස හිමියන් විසින් සිදුකර ඇති පැමිණිල්ලේ, මෙම පැහැරගැනීම සහ ජාතික ලැයිස්තු මන්ත්රී ධුරය ලබාගැනීම සඳහා දේශබන්දු තෙන්නකෝන්ගේ සම්බන්ධයක් පැවති බවට පැහැදිලිවම සඳහන් කර ඇතැයි කොළඹ අපරාධ කොට්ඨාස ආරංචි මාර්ග කීවේය.
ඉහළ දේශපාලන ස්ථාවරයක් ඇති පුද්ගලයින් සමඟ ඇති විය හැකි මෙම සම්බන්ධතා අතුරලියේ රතන හිමි විසින් පුද්ගලයින් පැහැර ගැනීම හුදෙක් පුද්ගලික ආරවුලක් පමණක් නොව පුළුල් දේශපාලන කුමන්ත්රණයක කොටසක් දක්වා දැන් දිගු වී තිබේ.
මතභේදාත්මක ඉතිහාසයක්
ෙඅතුරලියේ රතන හිමියන් සිරස්තලවලට ආගන්තුකයෙකු නොවේ. ජාතික හෙළ උරුමයේ ආරම්භක සාමාජිකයෙකු සහ සිංහල බෞද්ධ ජාතිකවාදයේ හඬ නගන උපදේශකයෙකු වූ ඔහු දේශපාලනික වශයෙන් සංවේදී ව්යාපාර කිහිපයකට සම්බන්ධ වී සිටියේය.
2019 දී, පාස්කු ඉරිදා ප්රහාරයෙන් පසු මුස්ලිම් අමාත්යවරුන් ඉල්ලා අස්වන ලෙස ඉල්ලා මහනුවර දළදා මාලිගාව ඉදිරිපිට ඔහු කළ උපවාසයට පුළුල් සහයෝගයක් සහ දැඩි විවේචනයක් ලැබුණි. දොස්තර ෂාෆි සිංහල බෞද්ධ කාන්තාවන් වඳ කළ බවට වූ මතාවදය බෙල්ල කඩාගෙන උස්සාගෙන රට පුරා ගියේ අතුරලියේ රතනය. වසර ගණනාවක් පුරා, ඔහුගේ දේශපාලන සන්ධාන වෙනස් වී ඇති අතර, ඔහු පක්ෂ රේඛා හරහා ධ්රැවීකරණය වන චරිතයක් බවට පත් වත්ම පොදු ජනතාව හිමියන්ගෙන් ඉල්ලා සිටියේ දැන්වත් මහන වෙන ලෙසය.
අපට පෙනෙන රූපය
මෙම නාට්යය ශ්රී ලංකා දේශපාලනයේ ජාතික ලැයිස්තු ක්රමයේ ස්වරූපය පිළිබඳව ප්රශ්න කළේය. පක්ෂග්රාහී නොවන විශේෂඥතාව පාර්ලිමේන්තුවට ගෙන ඒම සඳහා නිර්මාණය කරන ලද ජාතික ලයිස්තු ක්රමය අවභාවිතා වන සීමාවේ ප්රමාණය මේ සිදුවිමෙන් පෙනුනේය. එමෙන්ම ප්රමුඛ පෙළේ භික්ෂූන් වහන්සේලා ප්රතිපත්තිවල සහ මහජන මතය යන දෙකටම සැලකිය යුතු බලපෑමක් කරන ශ්රී ලංකාවේ ආගම සහ දේශපාලනය අතර ඇති ගැඹුරු පැටලීම ද එය ඉස්මතු කර තිබිණි.
මේ වනවිට මහජන ප්රතිචාර තියුනු ලෙස බෙදී ඇත. රතන හිමියන් දේශපාලනික වශයෙන් අභිප්රේරිත මායාකාරියන්ගේ දඩයමකට ගොදුරු වී ඇති බවට ආධාරකරුවෝ තර්ක කරන කරති. විචාරකයින් ප්රකාශ කරන්නේ දේශපාලනය තුළ පූජක පක්ෂය බලය අයුතු ලෙස භාවිතා කිරීමේ නවතම උදාහරණය අතුරලියේ රතන බවය.
ඊළඟට සිදුවන්නේ කුමක්ද
පොලිස් ආරංචි මාර්ග තහවුරු කරන්නේ රතන හිමියන් භික්ෂුවක ලෙස වෙනත් රටක දේශපාලන රැකවරණය පැතීමට හෝ රට හැර යාමට උත්සාහ කිරීමට හැකි බවය. විමර්ශන අංශ මේ පිළිබඳව අවධානයෙන් පසුවන බව වාර්තා වේ.
මේ නඩුවට අදාලව ප්රමුඛ පෙළේ නම් දැන් විමර්ශන රාමුවට ඇතුළු වී ඇත. නඩුව රතන හිමියන්ගේ පැවිදි – දේශපාලන වෘත්තියට පමණක් නොව ශ්රී ලංකාවේ දේශපාලන සංස්ථාපිතයට ද සැලකිය යුතු දේශපාලන ප්රතිවිපාක ඇති කළ හැකිය.
දැනට එක දෙයක් ස්ථීරය. අතුරලියේ රතන හිමියන්ගේ අතුරුදහන් වීම, හුදකලා අපරාධ පැමිණිල්ලක් විය හැකිව තිබූ දෙයක් ජාතික දේශපාලන අපකීර්තියක් බවට පරිවර්තනය කර ඇති බවය.
