අදානි සමාගම විසින් අත් හැර ගිය සුළං විදුලි ව්යාපෘතිය යළි මෙරටට ලබා ගැනීම පිනිස ඉන්දියාව සහ ශ්රී ලංකාව රාජ්ය තාන්ත්රික ලෙස සාකච්ඡා කිරීමට තීන්දු කර ඇතැයි ඉරිදා මවුබිම සිය ප්රමුඛ පුවත ලෙස වාර්තා කරයි.
විශ්වාස කටයුතු ආරංචි මාර්ග උපුටා දක්වමින් එම පුවත වාර්තා කරන්නේ අදානි සමාගම යළි රජය සමග සාකච්ඡා කරන්නේ කොන්දේසි කිහිපයකට යටත්ව බවය.
ජනාධිපති අනුර කුමාර දිසානායක සිය ඉන්දීය සංචාරයේ දී රජය අදාන් ව්යාපෘතිය පිළිබඳව සාකච්ඡාවක් කළ බවත්, එහිදී අදාල ව්යාපෘතිය තුළ විදුලි ඒකකයක් ජාතික විදුලි පද්ධතිය සඳහා ඩොලර් ශත 8.26කට ලබා දීමට අදානි සමාගම එකඟ වූ බවත් කියැවිනි. නමුත් රජය ඉදිරිපත් කර තිබුණේ ඩොලර් ශත 4.54කි. සාධාරණ මිල ගණන් සංශෝධනයකට එකඟවන්නේනම් පමණක් රජය මෙම ව්යාපෘතියට ඕනෑම අවස්ථාවක එකඟවන බව රජය පාර්ශවය අදානි සමාගම වෙත දැනුම් දී තිබිණි.
ඒ අනුව සමාගම විසින් ඉදිරිපත් කළ මිල ගණන් සංශෝධනය විය යුතු බව ජනාධිපතිවරයා විසින් ඉන්දීය බලධාරීන්ට ද දැනුම් දුන්නේය.
අදානි සමාගම ශ්රී ලංකාවෙන් තම සුළං විදුලි ව්යාපෘතිය ඉවත් කරගැනීමට තීරණය කරන්නේ ඊට අදාල හේතු ද ආයෝජන මණ්ඩලයට දන්වමිනි.
කෙසේ වෙතත් ලබන සතියේ නැවත ඉන්දියාව සහ ශ්රී ලංකාව අතර ඇතිවන සාකච්ඡාවල ප්රතිඵලයක් ලෙස මෙම සුළං විදුලි ව්යාපෘතිය නැවත ලබා ගත හැකි වෙතැයි රජය විශ්වාසය පල කර තිබේ.
මන්නාරම සුළං විදුලි ව්යාපෘතිය සහ රටේ තවත් සම්ප්රේක්ෂණ ව්යාපෘති දෙක්ක ක්රියාත්මක කිරීම පිළිබඳව සාකච්ඡා කිරීමට සඳහා අනෝන්ය තීරණයකට එළැඹීය හැකිදැයි මෙහෙදී සාකච්ඡා වනු ඇතිබව ද රජයේ ආරංචි මාර්ග කියයි – අනුරාධා හේරත් – ඉරිදා මව්බිම
