ඉඳුනිල් කහටපිටිය –
හෙරොයින් මත්ද්රව්ය ජාවාරම් කිරීම සම්බන්ධයෙන් මරණීය දණ්ඩනය නියම වී සිටි ප්රබල මත්ද්රව්ය ජාවාරම්කරුවකු වන ගම්පොළ විදානලාගේ සමන්ත කුමාර හෙවත් ‘වෙලේ සුදා’ විසින් ඉදිරිපත් කළ අවසන් අභියාචනා පෙත්සම නිෂ්ප්රභ කිරීමට ශ්රේෂ්ඨාධිකරණය අද (01) තීන්දු කළේය.
ඒ අනුව, කොළඹ මහාධිකරණය විසින් ඔහුට පනවන ලද මරණීය දණ්ඩනය ශ්රේෂ්ඨාධිකරණය විසින් නිල වශයෙන් තහවුරු කරනු ලැබ ඇත.
මහින්ද සමයවර්ධන, අර්ජුන ඔබේසේකර සහ සෝභිත රාජකරුණා යන තිපුද්ගල ශ්රේෂ්ඨාධිකරණ විනිසුරු මඩුල්ලක් විසින් මෙම නියෝගය නිකුත් කරන ලදී.
නඩු පසුබිම –2008 වසරේදී ගල්කිස්ස ප්රදේශයේදී හෙරොයින් මත්ද්රව්ය ග්රෑම් 7.05 ක් සන්තකයේ තබා ගැනීම සහ ජාවාරම් කිරීමේ චෝදනාවට වෙලේ සුදා වරදකරු කෙරිණි. ඒ අනුව 2015 වසරේ ඔක්තෝබර් මස 14 වනදා කොළඹ මහාධිකරණය විසින් ඔහුට මරණීය දණ්ඩනය නියම කරන ලදී. එම දණ්ඩනය නියම කරනු ලැබුවේ එවකට මහාධිකරණ විනිසුරුවරයෙකු ලෙස කටයුතු කළ වත්මන් අගවිනිසුරු ප්රීති පද්මන් සූරසේන විසිනි.
අභියාචනා ඉතිහාසය –මහාධිකරණ තීන්දුවෙන් තමන්ව නිදොස් කොට නිදහස් කරන ලෙස ඉල්ලා විත්තිකරු මුලින්ම අභියාචනාධිකරණයට ඇපෑලක් ඉදිරිපත් කළද, එය අභියාචනාධිකරණය විසින් නිෂ්ප්රභ කරනු ලැබීය.
ඉන් අනතුරුව මහාධිකරණ සහ අභියාචනාධිකරණ තීන්දු දෙකම ඉවත දමා තමන්ව සියලු චෝදනාවලින් නිදොස් කොට නිදහස් කරන ලෙස ඉල්ලා ඔහු ශ්රේෂ්ඨාධිකරණය වෙත මෙම අවසන් අභියාචනය යොමු කර තිබුණි.
අද දින අධිකරණ තීන්දුව- අද දින මෙම ඇපෑල ශ්රේෂ්ඨාධිකරණය හමුවේ කැඳවූ අවස්ථාවේදී අභියාචක විත්තිකාර වෙලේ සුදා වෙනුවෙන් ජනාධිපති නීතිඥ කපිල වෛද්යරත්න කරුණු ඉදිරිපත් කළේය. නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් ලක්මාලි කරුණානායක එම අභියාචනයට දැඩි ලෙස විරෝධය පළ කරමින් කරුණු දැක්වූවාය.
දෙපාර්ශවයේම කරුණු සලකා බැලූ ත්රිපුද්ගල විනිසුරු මඩුල්ල, මෙම පෙත්සම විභාගයට ගැනීමට තරම් ප්රමාණවත් නීතිමය පදනමක් නොමැති බව පවසමින් එය විභාගයට ගැනීම ප්රතික්ෂේප කර වහාම නිෂ්ප්රභ කිරීමට නියෝග කළේය.
