මීගමු බන්ධනාගාරය තුළ රැඳවියන් දෙපිරිසක් අතර අද (05) දරුණු ගැටුමක් හටගෙන තිබේ. මෙම තත්ත්වය පාලනය කිරීම සඳහා පොලිස් විශේෂ කාර්ය බලකාය (STF) බන්ධනාගාරය වෙත කැඳවා ඇති බව පොලිස් ආරංචි මාර්ග සඳහන් කරයි.
බන්ධනාගාර අභ්යන්තරයෙන් ලැබෙන වාර්තාවලට අනුව, රැඳවියන් කණ්ඩායම් දෙකක් අතර ඇති වූ ආතතිකාරී තත්ත්වය හේතුවෙන් මේ වන විට රැඳවියන් 20 දෙනෙකු තුවාල ලබා රෝහල්ගත කර ඇත. තුවාල ලැබූවන් මීගමු ශික්ෂණ රෝහල වෙත ඇතුළත් කර ඇති අතර, ඉන් එක් රැඳවියෙකුගේ තත්ත්වය බරපතල බව රෝහල් අධ්යක්ෂවරයා ප්රකාශ කර තිබේ.
ගැටුම හටගැනීමට හේතුව හෝ තුවාල ලැබූවන්ගේ අනන්යතාවය පිළිබඳ නිල තොරතුරු මෙතෙක් හෙළි කර නොමැති අතර, සිද්ධිය සම්බන්ධයෙන් බන්ධනාගාර දෙපාර්තමේන්තුව සහ පොලිසිය එක්ව වැඩිදුර විමර්ශන ආරම්භ කර ඇත.
විශේෂ කාර්ය බලකා නිලධාරීන් යොදවා බන්ධනාගාරයේ ආරක්ෂාව මේ වන විට උපරිම අයුරින් තහවුරු කර ඇති අතර, තත්ත්වය සම්පූර්ණයෙන්ම පාලනය කර ඇති බව ආරක්ෂක අංශ පවසයි.
