මැතිවරණ ඉතිහාසයේ පරිවර්තනීය වෙනසක් සිදුකරන බවට මුලින්ම ප්රකාශ වන්නේ තැපැල් ඡන්දයෙනි. රාජ්ය සේවයේ හැසිරීම බොහෝ විට පොදු ජනමතයේ සටහනක් නිරූපණය කළේය.
මේ මැතිවරණයේ දි ඒ ගැඹුර කැපී පෙනුනේය. එමෙන්ම ජනතාව වෙනස් වී අති ප්රමාණය පිළිබඳව තේරුම් ගැනීමටත් පැරණි දේශපාලනය මොනතරම් දුරට අවලංගු ද යන්න දැනගැනීමටත් පැරණි දේශපාලකයින්ට මේ ඡන්දය කියා දී තිබිණි.
රාජ්ය සේවකයින්ට අහස උසට වරදාන වරප්රසාද දෙන බවට රනිල් වික්රමසිංහ ප්රකාශ කරන්නේ තැපැල් ඡන්දයට දින දෙකක් තිබිය දී ය. ඔහුගේ කැබිනට් මණ්ඩලය රාජ්ය සේවකයින්ට ලබා නොදෙන බවට පොරොන්දු වූයේ මොනවාදැයි අපි කල්පනා කළෙමු.
ජීවත් වීමේ අරගලය වෙනුවෙන් දරාගත නොහැකි පීඩනය පුපුරා යද්දී එලියට බැස්ස ගුරුවරුන්ට එල්ල කළ කඳුළු ගෑස් ජල ප්රහාරත්, රාජ්ය සේවකයින්ට එළව එළවා පහර දුන් රාජ්ය යාන්ත්රණයේ බැටන් පාරත් සඳහා කතිර පාරෙන් උත්තර ලැබී තිබේ.
මාතර, කොළඹ, මාතලේ, හම්බන්තොට, වන්නිය, මොණරාගල, පොලොන්නරුව සහ රත්නපුර දිස්ත්රික්කවල තැපැල් ඡන්දය ගැන අපි කතා කළෙමු. වන්නිය හැර අනෙක් හැම තැනම අනුරගේ ය. මේ එතැන් සිට දිගහැරුණු කතාවය.
නුවරඑළිය
කවදාවත් අනුර කුමාර දිසානායක වැනි දේශපාලකයෙකු උඩට එනු ඇතැයි නොසිතූ දිස්ත්රික්කයකි. නුවරඑළිය දිස්ත්රික්කයේ නිල තැපැල් ඡන්ද ප්රතිඵලය අනුව අනුර කුමාර දිසානායක ඡන්ද 8,946 ක් ලැබුවේය.
- රනිල් වික්රමසිංහ – 5087
සජිත් ප්රේමදාස – 4334
නාමල් රාජපක්ෂ – 308ලියාපදිංචි ඡන්ද සංඛ්යාව – 19,727
ප්රකාශිත ඡන්ද සංඛ්යාව – 19,511
වලංගු ඡන්ද සංඛ්යාව – 18,975
ප්රතික්ෂේපිත ඡන්ද සංඛ්යාව – 536
මඩකලපුව
නැගෙනහිර දී බහුතර දෙමළ ජනතාවගේ වැඩිමනත් විශ්වාසය දිනා සිටියේ එක්සත් ජාතික පක්ෂය පිළිබඳවය. මෙවර ජනාධිපතිවරණයේ දී එක්සත් ජාතික පක්ෂයේ නායකයා මෙන්ම උපනායකයා බෙදී වෙන වෙනම තරග කරනවිට රාජ්ය සේවයේ ඡන්ද වැඩිමනත් ප්රමාණයක් බෙදී ගියේ ඔවුන් දෙපළ අතරය.
මඩකලපු නිල තැපැල් ඡන්ද ප්රතිඵලය අනුව රනිල් වික්රමසිංහ ඡන්ද 5967 ක් ලබා ඉදිරියෙන් පසුවෙයි. අනුර තුන්වැනි තැනය.
- සජිත් ප්රේමදාස – 3205
කුමාර දිසානායක – 2479
පී අරියනේත්රන් – 901
අනුරාධපුර
රනිල් වික්රමසිංහ ජනාධිපති ස්වකීය මැතිවරණ ව්යාපාරය ආරම්භ කළේ අනුරාධපුර සල්ගාදු පිටියෙනි. නාමල් රාජපක්ෂ පොහොට්ටුවේ ප්රචාරණ වැඩ පිළිවෙල කඩ පනහින් ආරම්භ කළේය. අනුරලා කළේ මේ මිනිස්සුන්ට පිළිගත හැකි තාර්කික ආමන්ත්රණයකි.
අනුරාධපුර දිස්ත්රික්කයේ නිල තැපැල් ඡන්ද ප්රතිඵලය නිකුත් විය. අනුර කුමාර දිසානායක ඡන්ද 32,750ක් ලබා ගන්නේ දෙවැනි තැන ගත් සජිත් ප්රේමදාසට වඩා ඡන්ද විසි දහසකට ආසන්න ප්රමාණයක් ඉදිරියෙන් සිටිමිනි. .
- සජිත් ප්රේමදාස – 10,956
රනිල් වික්රමසිංහ – 8218
නාමල් රාජපක්ෂ – 783
ලියාපදිංචි ඡන්ද සංඛ්යාව – 55,191
ප්රකාශිත ඡන්ද සංඛ්යාව – 54,484
වලංගු ඡන්ද සංඛ්යාව – 53,484
ප්රතික්ෂේපිත ඡන්ද සංඛ්යාව – 1,000
කෑගල්ල
කෑගල්ල දිස්ත්රික්කයේ නිල තැපැල් ඡන්ද ප්රතිඵලයත් අනුර කුමාර දිසානායක ඔසවා තැබුවේය. ඔහු දෙවැනි තැන ගත් රනිල් වික්රමසිංහට වඩා ආසන්න වශයෙන් තුන් ගුණයක ඡන්ද ප්රමාණයක් ලැබුවේය. අනුර ලැබූ ඡන්ද ප්රමාණය 20,062කි
- රනිල් වික්රමසිංහ – 7229
සජිත් ප්රේමදාස – 5604
නාමල් රාජපක්ෂ – 482ලියාපදිංචි ඡන්ද සංඛ්යාව – 35,103
ප්රකාශිත ඡන්ද සංඛ්යාව – 34,798
වලංගු ඡන්ද සංඛ්යාව – 33,904
ප්රතික්ෂේපිත ඡන්ද සංඛ්යාව – 894
දිගාමඩුල්ල
දිගාමඩුල්ලත් අනුරටය. දිස්ත්රික්කයේ නිල තැපැල් ඡන්ද ප්රතිඵලය නිකුත්වී අනුව අනුර කුමාර දිසානායක ඡන්ද 11,120ක් ලබා ඉදිරියෙන් තැබීමට රාජ්ය සේවකයෝ කටයුතු කළහ..
- සජිත් ප්රේමදාස – 7368
රනිල් වික්රමසිංහ – 6719
නාමල් රාජපක්ෂ – 318
පුත්තලම
පුත්තලම බහුතර මුස්ලිම්වරුන් සහිත දිස්ත්රික්කයකි. එහි රාජ්ය සේවයේ නියෝජනයත් ඊට අනුපාතික ය. බදියුදීන්ලා පිස්සු කෙළපු කෙළිබිම්ය. දිස්ත්රික්කයේ නිල තැපැල් ඡන්ද ප්රතිඵලය නිකුත්වූයේය. පුත්තලමත් අනුරට ය. ලැබූ ඡන්ද ප්රමාණය ඡන්ද 8,614කි. බදියුදීන් ගෙන් ගොඩයන්නට හිටිය සජිත්ට වඩා ආසන්න තුන් ගුණයක් අනුර ලබාගෙනය.
සජිත් ප්රේමදාස – 3044
රනිල් වික්රමසිංහ – 2335
නාමල් රාජපක්ෂ – 219
ගම්පහ
ඒ ගැන කතා කරන්නට දෙයක් නැත. ගම්පහ දිස්ත්රික්කයේ නිල තැපැල් ඡන්ද ප්රතිඵලය නිකුත්වී ඇත්තේ කිසිවෙක් නොසිතන ආකාරයේ ගැම්මක් සහිතවය. අනුර කුමාර දිසානායක ඡන්ද 33,226 ක් ගත්තේ දෙවැනි තැන පසුවන රනිල් වික්රමසිංහට වඩා තුන් ගුණයකට වැඩි ඡන්ද ප්රමාණයක් ලබමිනි. .
- රනිල් වික්රමසිංහ – 9116
සජිත් ප්රේමදාස – 6383
නාමල් රාජපක්ෂ – 943
යාපනය –
යාපනයේ මිනිස්සු ජනාධිපතිවරණයක් වැනි අවස්ථාවක දී මෑත කාලයේ වැඩිම විශ්වාසය තැබුවේ රනිල් වික්රමසිංහ වෙතය. ඒ විශ්වාසයේ ස්වරූපය යාපනයේ රාජ්ය සේවකයෝ පෙන්වා තිබුණහ. දිස්ත්රික්කයේ නිල තැපැල් ඡන්ද ප්රතිඵලය අනුව රනිල් වික්රමසිංහ ඡන්ද 9,277 ක් ලබා ඉදිරියෙනි. සජිත් දෙකය.
- සජිත් ප්රේමදාස – 7640
පී අරියනේත්රන් – 4207
අනුර කුමාර දිසානායක -2250
කුරුණෑගල
කුරුණෑගල දිස්ත්රික්කයේ නිල තැපැල් ඡන්ද ප්රතිඵලය නිකුත්වී වන්නේ මෙතෙක් රට කළ සියලුම දේශපාලන පක්ෂ සලිත කරමිනි. අනුර කුමාර දිසානායක ඡන්ද 47,126 ක් ලබා ජයග්රහණය කර කරන්නේ දෙවැනි වන සජිත්ට වඩා දල වශයෙන් තුන් ගුණයකටත් වඩා වැඩි විශාල ඡන්ද ප්රමාණයකිනි..
- සජිත් ප්රේමදාස – 13,081
රනිල් වික්රමසිංහ – 11,998
නාමල් රාජපක්ෂ – 1,384
ලියාපදිංචි ඡන්ද සංඛ්යාව – 76,977
ප්රකාශිත ඡන්ද සංඛ්යාව – 76,360
වලංගු ඡන්ද සංඛ්යාව – 74,583
ප්රතික්ෂේපිත ඡන්ද සංඛ්යාව – 1,777
බදුල්ල
නිමල් සිරිපාලත් එතනය. වඩේ චාමරත් එතනැය. හරීන් රට පෙරලීම ආරම්භ කළ බව කියන තැනත් එතැනය. එහෙත් බදුල්ලේ දී රනිල් වික්රමසිංහ මෙන්ම සජිත් ප්රේමදාසත් පලු යන්නම පරාදය. බදුල්ල දිස්ත්රික්කයේ නිල තැපැල් ඡන්ද ප්රතිඵලය අනුව අනුර කුමාර දිසානායක ඡන්ද 23,629 ක් ලබා ඉදිරියෙනි.
- රනිල් වික්රමසිංහ – 7,967
සජිත් ප්රේමදාස – 7,757
නාමල් රාජපක්ෂ – 598ලියාපදිංචි ඡන්ද සංඛ්යාව – 42,061
ප්රකාශිත ඡන්ද සංඛ්යාව – 41,271
වලංගු ඡන්ද සංඛ්යාව – 40,488
ප්රතික්ෂේපිත ඡන්ද සංඛ්යාව – 783
මිනිස්සුන්ගේ බුද්ධියට මීට වඩා ගරු කළ යුතු බව සම්ප්රදායික දේශපාලනයට තැපැල් ඡන්දය කියා දී තිබුණේය.
