ශ්රී ලංකාවේ ක්රීඩා ඉතිහාසයේ ඓතිහාසික සලකුණක් තබමින් තවමත් ළමා වියේ පසුවන ශ්රී ලංකා ටේබල් ටෙනිස් ක්රීඩක තාවි සමරවීර වයස අවුරුදු 11 න් පහළ පිරිමි කාණ්ඩයේ ලෝක අංක 1 ස්ථානයට පත් වී සිටී.
ශ්රී ලාංකික ක්රීඩකයෙකු ඕනෑම වයස් කාණ්ඩයකින් ලෝක ශ්රේණිගත කිරීම්වල ඉහළින්ම සිටින පළමු අවස්ථාව මෙය ලෙස ඉතිහාසය අලුතින් ලිවීමට තාවී සමරවීර සමත් වී ඇත.
තාවි සමරවීරට තවම වයස අවුරුදු 10 කි. වයස අවුරුදු 13 න් පහළ කාණ්ඩයේ ලෝක ශ්රේණිගත කිරීම්වල ඔහුගේ ස්ථානය අංක 11 ය. වැඩිහිටි ජාත්යන්තර ක්රීඩකයින්ට එරෙහිව සාර්ථකව තරග කරන මේ කුඩා ක්රීඩකයාගේ වේගවත් නැගීම ලෝක මේස පන්දු ක්රීඩාවේ අනාගත ශ්රී ලංකා බලාපොරොත්තුව දල්වා තිබේ.
මෙම වසර මුලදී ඉතාලියේ පැවති ලෝක මේස පන්දු ශ්රේණිගත කිරීමේ තරඟාවලියේදී කැපී පෙනෙන දස්කම් දැක්වීමෙන් පසුව තාවි සිය වයස් ඛාණ්ඩයේ රන් පදක්කම දිනා ගත්තේය.
ඉතාලියේදී ඔහුගේ පළමු ලෝක ශූරතාව දිනා ගැනීමට පෙර ජාත්යන්තර යෞවන තරඟාවලිවලදී රිදී පදක්කම් පහක් සහ ලෝකඩ පදක්කම් හතරක් ලබා දිනා ගැනීමට තාවි සමත් වූයේය.
ඔහුගේ කැපී පෙනෙන ජයග්රහණ අගයමින්, ශාන්ත තෝමස් විද්යාලයීය වර්ණ සම්මාන උළෙලේදී තාවීට “වසරේ කැපී පෙනෙන ක්රීඩා ජයග්රාහකයා” ලෙස සම්මානයක් පිරිනැමුවේය. වයස අවුරුදු 10 දී, ඔහු පාසල් ඉතිහාසයේ මෙම සම්මානය ලැබූ ලාබාලතම ක්රීඩකයා තාවී සමරවීරය.
