ඉඳුනිල් කහටපිටිය –
කාන්තා ලෝක කුසලාන තරගය ආරම්භ වූයේ අපට ක්රිකට් අප්පිරියා වෙන ආකාරයටය. එංගලන්තය සමග පැවති තරගයේ දී එංගලන්තය අපට ගැහුවේ පෝයට හෙවිසි ගහනවා වගේය. කියන්නට විලි ලජ්ජා නිසා නොකියා ඉන්නට හිතුනත් ඇත්තට ඒ පරාජය පට්ටම කුජීතය. එංගලන්ත කෙල්ලෝ ලකුණු 219ක් ලැබූහ. දැවී ගියේ එක් කඩුල්ලකි. Danni Wyatt-Hodge නොදැවී ලකුණු 105ක් ලැබුවාය. ශ්රී ලංකා කණ්ඩායම ලකුණු 132කට සියල්ලෝ දැවී ගියහ.
මේ තත්ත්වය තුළ අද අප නවසීලන්තය සමග තරගවදින්නේ අතිශය තීරණාත්මක ඉරණමකට මුහුණ දීමේ අවදානමත් සමගය. තරගය පැවැත්වුනේ සවුත්හැම්ප්ටන් හි රෝස් බෝල් ක්රීඩාංගනයේ දී ය. කෙසේ වෙතත් ශ්රී ලංකා කෙල්ලෝ යළිත් අපට බලාපොරොත්තු උපදවා දී සිටිති.
නවසීලන්ත කාන්තා කණ්ඩායම කඩුලු 5කින් පරාජය කර ශ්රී ලංකා කණ්ඩායම කඩුලු 05ක විශිෂ්ඨ ජයක් වාර්තා කර ඇත. තරගයේ අවසන් පන්දුවාරය දක්වා ඇදී ගිය මෙම සටනේ ජයග්රහණයේ නියමුවරිය බවට පත්වූයේ විශිෂ්ට ඉනිමක් ක්රීඩා කළ නිලක්ෂිකා ද සිල්වා ය.
නවසීලන්ත ඉනිම
කාසියේ වාසිය දිනා පළමුවෙන් පන්දුවට පහරදුන් නවසීලන්ත කණ්ඩායම නියමිත පන්දුවාර 20 තුළ කඩුලු 6ක් දැවී ලකුණු 150ක් ලබා ගත්තේය.
ශ්රී ලංකා දඟපන්දු යවන්නන්ගේ දැඩි පාලනයක් මධ්යයේ වුවද සොෆී ඩිවයින් ලකුණු 45ක් සහ මෙලී කේර් ලකුණු 45ක් රැස් කරමින් නවසීලන්ත ඉනිම ශක්තිමත් කළහ. ජෝර්ජියා ප්ලිමර් ලකුණු 18ක්, මැඩී ග්රීන් ලකුණු 18ක් ලැබූහ.
පන්දු යැවීමේදී කවිෂා දිල්හාරි ලකුණු 35කට කඩුලු 2ක් බිඳ හෙලුවාය.
ශ්රී ලංකා ඉනිම
ලකුණු 151ක ජයග්රාහී ඉලක්කයක් හඹා යෑම සඳහා පිටියට පිවිසි ශ්රී ලංකා කණ්ඩායමේ මුල් කඩුලු 4ම ලකුණු 55ක් තුළ බිඳ වැටුනේය. විෂ්මි ගුණරත්න ලකුණු 17කි. ශ්රි ලංකාවේ එකම බලාපොරොත්තුව ලෙස සිතූ චමරි අතපත්තු ලකුණු 27කි. මුල් කඩුල්ල 45 දී දැවීයන්නේ ය. දැවී යන්නී චමරිය. දෙවැනි කඩුල්ල ලෙස විශ්මි ගුණරත්න දැවීයනවිට මුළු ලකුණු සංඛ්යාව 47කි.
හසිනි පෙරේරා ලකුණු 02කටත් හර්ෂිතා සමරවික්රම ලකුණු 5කටත් දැවී යන්නේ මැද පෙළ සෝදා පාලු වීමට ආසන්න බව කියමිනි. දැන් කඩුළු 04ක් දැවී ගොස්ය. ලකුණු 55කි.
මේ තත්ත්වය නිසා ශ්රී ලංකාව දැඩි පීඩනයකට ලක් විය. ජයග්රහණය සඳහා අවශ්ය ලකුණු වේගය පන්දුවාරයකට ලකුණු 9 සීමාව ඉක්මවා යමින් තිබූ එම අසීරු අවස්ථාවේදී පිටියට පිවිසි නිලක්ෂිකා ද සිල්වා, ශ්රී ලංකා ඉනිම ජයග්රහණය කරා මෙහෙයවීමේ වගකීම කරට ගත්තාය.
ඇය පන්දු 37කදී හතරේ පහරවල් සහ එක් හයේ පහරක් සමඟින් නොදැවී ලකුණු 54ක් රැස් කරමින් ඇගේ ජාත්යන්තර ක්රිකට් ජීවිතයේ විශිෂ්ටතම ඉනිම ක්රීඩා කළාය. මුලින්ම කවිෂා දිල්හාරි (ලකුණු 17) සමඟ එක්ව 5 වන කඩුල්ල වෙනුවෙන් ලකුණු 50ක සබඳතාවක් ගොඩනැඟීමට නිලක්ෂිකා සමත් වූවාය. කවිෂා දැවී යන විට ශ්රී ලංකාවට පන්දු 30කින් ලකුණු 45ක් අවශ්යව තිබූ අතර තරගයේ වාසිය නවසීලන්තය දෙසට හැරී තිබුණි.
කෙසේ වෙතත්, ඉන් අනතුරුව නිලක්ෂිකා සමඟ එක් වූ කෞෂිණී නුත්යංගනා තරගයේ ඉරණම සම්පූර්ණයෙන්ම වෙනස් කළාය. ඇය පන්දු 14කදී නොදැවී වේගවත් ලකුණු 24ක් රැස් කළේ නිලක්ෂිකා අභිබවා යමින් ප්රහාරාත්මක වේගයක් රඳවා ගනිමිනි. මොවුන් දෙදෙනා 6 වන කඩුල්ල වෙනුවෙන් පන්දු 28කදී නොදැවී ලකුණු 48ක සබඳතාවක් පවත්වමින් ශ්රී ලංකාව ජයග්රහණය කරා රැගෙන ගියහ.
නවසීලන්ත කණ්ඩායමේ දුර්වල පන්දු රැකීම
නවසීලන්ත කණ්ඩායමේ දුර්වල පන්දු රැකීමද ශ්රී ලංකාවේ ජයග්රහණයට මඟ පෑදුවේය. නිලක්ෂිකා ලකුණු එකක් ලබා සිටියදී ලබා දුන් උඩපන්දුවක් බ්රී ඉලින් අතින් ගිලිහී ගිය අතර, එය තරගයේ තීරණාත්මක හැරවුම් ලක්ෂ්යය විය. අවසන් පන්දුවාර කිහිපයේදී ශ්රී ලංකා පිතිකාරිණියන් එල්ල කළ පීඩනය හමුවේ නවසීලන්තයේ පන්දු රැකීම සහ පන්දු යැවීම සම්පූර්ණයෙන්ම අඩපණ විය.
මෙම තරගයේදී කෞෂිණී නුත්යංගනා කඩුලු රකින්නියක ලෙසද කැපී පෙනෙන දක්ෂතා දැක්වූවාය. ඇය ඉසබෙලා ගේස්ගේ උඩපන්දුව දක්ෂ ලෙස රැකගනිමින් ශ්රී ලංකා පන්දු රැකීමේ අංශයට මනා ජවයක් ලබා දුන් අතර, තරගය පුරා උඩපන්දු 3ක් රැක ගැනීමට සමත් වූවාය. පසුව පිත්තෙන්ද දස්කම් දක්වමින් අවසන් පන්දුවාරයේදී ජයග්රාහී ලකුණ ලබා ගත්තේ ශ්රී ලංකා ප්රේක්ෂකයින් ආනන්දයට පත් කරමිනි.
ලංකා කණ්ඩායම සහභාගී වන මීළඟ තරගය ලබන ඉරිදා බටහිර ඉන්දීය කොදෙව් කණ්ඩායමට එරෙහිව පැවැත්වීමට නියමිතය. එම තරගයද ජයගතහොත් ශ්රී ලංකාවට අවසන් පූර්ව වටයට පිවිසීමේ අවස්ථාව වඩාත් තහවුරු කරගත හැක. මෙම පරාජයත් සමඟ නවසීලන්තයට ඉදිරි තරග සියල්ලම ජයග්රහණය කිරීම අනිවාර්ය වී තිබේ.
ලකුණු පුවත් සාරාංශය:
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
- නවසීලන්තය: පන්දුවාර 20කදී කඩුලු 6කට ලකුණු 150 (සොෆී ඩිවයින් 45, මෙලී කේර් 45, කවිෂා දිල්හාරි 2/35)
- ශ්රී ලංකාව: පන්දුවාර 19.4කදී කඩුලු 5කට ලකුණු 153 (නිලක්ෂිකා ද සිල්වා නොදැවී 54, කෞෂිණී නුත්යංගනා නොදැවී 24, නෙන්සි පටෙල් 2/23)
