ලලිත් චාමින්ද –
ගාල්ල කරාපිටිය ජාතික රෝහලේ ප්රතිකාර ලබමින් සිටි ඉරාන නාවිකයින් අතුරින් 22 දෙනෙකු ඊයේ (07) රෝහලින් නිදහස් කළ බැව් රෝහල් අධ්යක්ෂක වෛද්ය එස්.ඩි.යු.එම් රංග පවසයි.
ඉරාන හමුදාවට අයත් නෞකාවට එල්ල වූ ප්රහාරයෙන් තුවාල ලැබු නාවිකයින් 32 නෙකු ගාල්ල කරාපිටිය ජාතික රෝහලට ඇතුළත්කොට තිබුණි.
ඉන් සුවය ලැබු නාවිකයින් 22 නෙකු රෝහලින් නිදහස් කිරිමට කටයුතු කළ බවත් නාවිකයින් 10 නෙකු තවදුරටත් රෝහලේ ප්රතිකාර ලබමින් සිටින බවත් රෝහල් අධ්යක්ෂකවරයා පවසයි.
අසාධ්ය තත්ත්වයේ පසුවු නාවිකයාද දැඩි සත්කාර ඒකකයේ සිට රෝහලේ වාට්ටුවක් වෙත යොමුකොට ඇති බව සදහන් කළ රෝහල් අධ්යක්ෂකවරයා මියගිය නාවිකයින් 84 දෙනාගේ මෘත දේහයන් පිළිබද පශ්චාත් මරණ පරික්ෂණ පැවැත්විමෙන් පසු එම මළ සිරුරු ශිතාගාර සහිත කන්ටේනර් දෙකක බහා රෝහල් පරිශ්රය තුළ ඇති බවද පවසයි.
