ශ්රියානි විජේසිංහ –
සමස්ත සෞඛ්ය වෘත්තිකයින්ගේම අතිකාල හා දීමනාවන් කප්පාදු කර තිබියදී වෛද්යවරුන්ගේ ගැටලුව පමණක් විඳීමට ජනාධිපතිවරයා ඊයේ (27) සවස සාකච්ඡාවක් ලබා දීම රනිල් වික්රමසිංහ සහ අනුර කුමාර දිසානායක අතර කිසිදු වෙනසක් නොපවතින බව පෙන්නුම් කරන සාධකයක් බව සෞඛ්ය වෘත්තීයවේදීන්ගේ සම්මේලනය සඳහන් කරයි.
එකම ප්රශ්නයක් සියලුම වෘත්තිකයන්ට තිබියදී ඔවුන් සියලුම දෙනා එකම මේසයකට කැඳවා අදාල ප්රශ්නය සාකච්ඡා කිරීමේ වෙනස ඇතිකිරීමට මිනිසුන් මේ ආණ්ඩුව පත්කර ගත් බව මතකයේ තබා ගත යුතුයැයි සම්මේලනයේ කැඳවුම්කරු රවී කුමුදේශ් රජයට දැනුම් දී සිටියි.
ඊයේ සවස රජයේ වෛද්ය නිලධාරීන්ගේ සංගමය සමඟ ජනාධිපතිවරයා පවත්වනු ලබන සාකච්ඡාවෙන් සෞඛ්ය සේවාවට බෙදුණු තීරණයක් ලබා දුනහොත් එයින් බලපෑම් ඇතිවන්නේ රෝගී ජනතාවට බැවින් සමස්ථ සෞඛ්ය සේවාවේම ප්රශ්නය තේරුම්ගෙන උත්තර ලබා දීම ජනාධිපතිවරයාගේ වගකීම වන බවද හෙතෙම අවධාරණය කරයි.
